යාල වනෝද්යානයට අයත් කිරින්ද, බැබුව වනජීවි මුරපොළ ආසන්නයේදී මෝටර් රථයකින් පැමිණි පිරිසක් විසින් වෙඩි තැබීමක් සිදුකර පළාගොස් ඇත.
එම වෙඩි තැබීමත් සමග බැබුව වනජීවි මුරපොළේ රාජකාරියේ නිරතව සිටි නිලධාරීන් එම ස්ථානයට ගොස් තිබූ අතර එම අවස්තාවේදී මෝටර් රථය පළාගොස් ඇති බව පොලීසිය සඳහන් කරයි.
එම මෝටර් රථය සහ සැකකරුවන් සොයා කිරින්ද පොලීසිය මෙහෙයුම් ආරම්භ කර ඇති අතර ඒ සම්බන්ධයෙන් අවට පොලිස් ස්ථාන දැනුවත් කිරීමටද පියවර ගෙන ඇත.
එම පුද්ගලයින් සතුන් දඩයම් කිරීම සඳහා මෙම වෙඩි තැබීම සිදු කරන්නට ඇති බවට පොලිසිය සැක පළ කරයි.