Out of the box (Sinhala)

විශේෂ පොලිස් කණ්ඩායමක් විසින් ඊයේ (29) පස්වරුවේ අත්අඩංගුවට ගත් පාර්ලිමේන්තු මන්ත්‍රී රාමනාදන් අර්ච්චුනා මහතා දේශපාලනයේ වැඩි කාලයක් රැඳී සිටීමට තමා බලාපොරොත්තු නොවන බව පවසා තිබේ.

එලෙස ඊයේ දිනයේ අත්අඩංගුවට ගැනීමෙන් පසුව අධිකරණයට ඉදිරිපත් කර මන්ත්‍රීවරයා මේ වනවිට ඇප මත මුදාහැර සිටියි.

පසුව මාධ්‍ය වෙත අදහස් දක්වමින් මන්ත්‍රීවරයා සඳහන් කළේ, තමා වෛද්‍යවරයෙකු බවත් අතීතයේ සිට දේශපාලනයට ඇලුම් නොකර අයෙකු බවත් ය.

මෙවර පාර්ලිමේන්තුවට තේරී පත් වූයේ ජනතාව වෙනුවෙන් වුවත් තමා අකමැතිම කේෂ්ත්‍රය දේශපාලනය බව ද ඔහු පැවසීය.

“මම දේශපාලනයට ඇත්තටම කැමති නෑ. අවුරුදු 38ක් මම කවදාවත් ඡන්දේ දීලා නෑ.  දැන් ඇත්තටම ආවේ මිනිස්සු වෙනුවෙන්. ඒ නිසා වැඩිදුරටක් ඉන්නේ නෑ. දේශපාලනය මම කැමතිම නැති කේෂ්ත්‍රයක්. හැබැයි ඉන්න කාලයක් මම කෙලින් ඉන්නවා.”

තලංගම පොලිසිය පවසන්නේ ඊයේ (29) දින පාර්ලිමේන්තුව අවට ප්‍රදේශයේ සිදු කළ විශේෂ මෙහෙයුමකදී පිළිගත් ආයුර්වේද සම්බාහන ආයතන මුවාවෙන් පවත්වාගෙන ගිය මුදලට කාන්තාවන් සපයන ස්ථාන හයක් වටලා කාන්තාවන් විසි දෙනෙකු ඇතුළු පුද්ගලයන් 33 ක් අත්අඩංගුවට ගත් බවයි.

එහිදී, එම සම්බාන ආයතන වල රැඳී සිටි සිටි පිරිමි පුද්ගලයන් තිදෙනෙකුද අත්අඩංගුවටගෙන තිබේ.

අත්අඩංගුවට පත් පිරිස අතර විවෘත වරෙන්තු ලද පුද්ගලයන් තිදෙනෙක්, සැකපිට පුද්ගලයන් සිව් දෙනෙක්, නීති විරෝධී මත්පැන් සමග පුද්ගලයෙක් සහ අයිස් මත්ද්‍රව්‍ය සමග පුද්ගලයෙක් මෙන්මතීරු බදු රහිතව ආනය කරනරන ලද දුම් වැටි 1425ක් සන්තකයේ තබාගෙන සිටි පුද්ගලයෙක්ද ද වන බව පොලිසිය සඳහන් කරයි .

දක්ෂ පලපුරුදු ආයුර්වේද වෛද්‍යවරුන් ඇතුළු කාර්ය මණ්ඩලයකින් සැදුම්ලත් රජයේ ලියාපදිංචි සම්බාහන ආයතන බවට නීති විරෝධී අකාරයෙන් දැන්වීම් පුවරු ප්‍රදර්ශනය කර පාරිභෝගිකයන් මුලා කර පාර්ලිමේන්තු සංකීර්ණය අවට ප්‍රදේශවල දිනෙන් දින ආරම්භ කර තිබෙන සම්බාහන ආයතන හා සැකකටයුතු ස්ථාන සම්බන්ධයෙන් සිදු කළ වැටලීමකදී මෙම පිරිස අත්අඩංගුවට ගෙන තිබේ.

ඊයේ (28) දිනයේ සමගි ජන බල වේගය සහ එක්සත් ජාතික පක්ෂය අතර තුන්වන වටයේ සාකච්ඡා පවත්වා තිබේ.

එහිදී මූලික යෝජනා පිළිබඳව පක්ෂ නායකවරුන්ගේ අදහස් සම්බන්ධයෙන් දෙපාර්ශවය අතර පැවැත්වූ සාකච්ඡා සාර්ථකව අවසන් වී ඇති බව වාර්තා වේ.

ඊයේ දිනයේ සාකච්ඡාවට ලක් වූ කරුණු පිළිබඳව අද දිනයේ දෙපාර්ශවය ඔවුන්ගේ කණ්ඩායම් නායකයින් දැනුවත් කිරීමට නියමිතව ඇති අතර සමගි ජන බල වේගය සහ එක්සත් ජාතක පක්ෂය අතර තවත් සාකච්ඡා වටයක් හෙට රාත්‍රියේ පැවැත්වීමට නියමිතය.

(28) ඊයේ කොළඹදී පැවති ශ්‍රී ලංකා ආයෝජන මණ්ඩලය සංවිධානය කළ ආර්ථික සමුළුව අමතමින් ජනාධිපතිවරයා පැවසුවේ රටට ආයෝජකයින් ගෙන්වා ගැනීම සඳහා දැනට පවතින දුෂ්කරතා විසදීමට පියවර ගනිමින් සිටිනා බවයි.

එහිදී ජනපතිවරයා පෙන්වාදුන්නේ දැනට ආයෝජකයකුට මෙරට ආයෝජන ව්‍යාපෘතියක් ආරම්භ කිරීමට රජයේ ආයතන 82 කින් අවසර ලබා ගත යුතු බවයි.

එම අවසරයන් ලබාගැනීම සදහා වසර දෙකහාමාරක පමණ කාලයක් ගතවන බව පැවසූ ජනපතිවරයා මෙම කාලය අඩුකිරීමට පියවර ගන්නා බව පැවසීය.

එමෙන්ම දැනට රජය සතුව පවතින ඇතැම් ඉදිකිරීම් සමාගම් ඉදිරියේදී වසා දැමීමට හෝ පෞද්ගලික අංශය සමග ඒකාබද්ධ කිරීමට සිදුවන බවද ඔහු වැඩිදුරටත් පැවසීය.

සමගි ජන බලවේගයේ පක්ෂ සාමාජිකයන් සහ ක්‍රියාකාරීන් සඳහා පෙරේදා (26) පැවැති වැඩමුළුවක් අමතමින් විපක්ෂ නායක සජිත් ප්‍රේමදාස මහතා පැවසූවේ පසුගිය වසරේ රටට සිදු වූ වැරැද්ද නිවැරැදි කළ යුතු නිසා අලුතින් සිතා කටයුතු කළයුතු බවයි.

එහිදී වැඩිදුරටත් අදහස් දැක්වූ සජිත් ප්‍රේමදාස මහතා

“වෙනසක නිර්මාපකයන් ලෙස දීප්තිමත් හෙට දිනක් හැඩගැස්වීමේ වගකීම සහ අවස්ථාව අපට තිබෙනවා. පක්ෂය ගැන, ඉදිරි වැඩපිළිවෙළ ගැන නැවත සිතා බැලිය යුතුයි. මේ ගමනේදී පැරණි න්‍යායන් මත විශ්වාස තබාගත නොහැකියි. ලෝකය පෙර නොවූ විරූ වේගයකින් ඉදිරියට යන මොහොතක අපේ රටේ ජනතාව නිර්භීත ක්‍රියාමාර්ග ඉල්ලා සිටිනවා. පැරණි අදහස්වල යම් වැදගත්කම් මෙන්ම සාධනීය ලක්ෂණ තිබුණත් සෑම දෙයක්ම මොහොතින් මොහොත වෙනස් වෙනවා. දැනුම සහ උපායමාර්ග අලුත් වෙනවා. පුරවැසියන් දේශපාලන විශේෂඥයන්ට සහ දේශපාලනඥයන්ට වඩා වෙනස් විදිහට තීන්දු තීරණ ගන්නවා. පුරවැසියන් සෑම දෙයකටම සහභාගී වී ක්‍රියාකාරී තීරණ ගන්න ඍජුවම දායකත්වයක් දෙනවා. පසුගිය වසරේ සිදු වූ වැරදීම තුළ විශාල හිඩැසක් නිර්මාණයවී තිබෙනවා. ඒ හිඩැස පිරවිය යුතු නිසා බලයේ සිටින අයට වඩා වැඩි දෙයක් සිතිය යුතුයි. එය මහජනතාව පිළිගන්නා දෙයක් විය යුතුයි.”

මේ අතර, සර්ව ජන බලය පක්ෂයේ ජාතික සංවිධායක දිලුම් අමුණුගම මහතා පවසන්නේ වෙනත් අයකුගේ නායකත්වය යටතේ එකතු වීමක් ගැන රනිල් වික්‍රමසිංහ කිසිදා නොසිතන බවත්, එනිසා ඉදිරි පළාත් පාලන මැතිවරණයට එජාපය සහ සමගි ජන බලවේගය එක්ව තරග කිරීමට සිදු කරන සාකච්ඡා සාර්ථක වේ යැයි විශ්වාස කළ නොහැකි බවත්ය.

එහිදී වැඩිදුරටත් අදහස් දැක්වූ ඒ මහතා,

“එජාපය සහ සජබ එකතු වීමක් ගැන සිතන්නේ නම් රනිල් නොවී වෙනත් අයකු නායකත්වයට පත්වීමෙන් වැඩක් නැති බවයි මගේ මතය. නැවත එක්වීමට මේ සාකච්ඡා කරන්නේ එදා එකට හිටපු අයයි. මේ අය එකතු වෙනවාද නැද්ද කියලා අපි දන්නේ නෑ. ඒත් රනිල් වෙන කෙනකුට නායකත්වය දී එකතු වෙන තැනකට යයි කියලා මම හිතන්නේ නෑ. අනිත් එක තමයි, වෙන කෙනකුට නායකත්වය දී මේ එකතුවීමෙන් වැඩක් වෙන්නෙත් නෑ. මොකද සජිත්ගේ නායකත්වයෙන් සජබ දැන් මැතිවරණ ගණනාවක් පරාජය වුණා.”

කැබිනට් මාධ්‍ය ප්‍රකාශක, සෞඛ්‍ය සහ ජන මාධ්‍ය අමාත්‍ය වෛද්‍ය නලින්ද ජයතිස්ස මහතා සඳහන් කළේ ගාලුමුවදොර අරගලයේ ක්‍රියාකාරීන්ට එරෙහිව පනවා ඇති නඩු ගැන රජය අවධානය යොමුකර ඇති බවයි.

එම සැකකරුවන්ට නීතිපති දෙපාර්තමේන්තුව හරහා සාධාරණ විසඳුමක් ලබාදීමට මැදිහත් වන බව ඔහු වැඩිදුරටත් පැවසීය.

පහරදීම්වලින් හානියට පත් දේපළවලට දේශපාලකයන්ට වන්දි ගෙවන අයුරින් ගාලුමුවදොර අරගලයේ සිටි ක්‍රියාකාරීන්ට පනවා ඇති අසාධාරණ නඩු පැවරීම්වලට රජය මැදිහත් වී ඒවා ඉවත් කරගත නොහැකිදැයි අද (28) කැබිනට් මාධ්‍ය හමුවේදී නැගුණු ප්‍රශ්නයකට පිළිතුරු දෙමින් අමාත්‍යවරයා මේ බව සඳහන් කළේ ය.

ප්‍රශ්නය : ගෝල්ෆේස් අරගලයත් ඔබලා බලයට එන්න බලපෑවා. දැන් අරගලයේ හිටපු අයට තිබෙන නඩු ගැන නීතිපති උනන්දු නෑ. නමුත් අමාත්‍යවරුන්ගේ ගෙවල්වලට වන්දි පවා ගෙව්වා. අරලියගහ මන්දිරයේදී අපේ සහෝදරයෙක් මැරුණා. ඒ පහර දීම්වලින් ක්‍රියාකාරීන්ටත් හානි වුණා. ඒ නඩු ඉවත්කරගන්න රජයට බැරිද?

අමාත්‍යවරයා : අපේ ආණ්ඩුව ඒ ගැන අවධානය යොමුකර තිබෙනවා. ඇත්ත. ඇතැම් නඩු ගොනුවීමේදී ප්‍රශ්නයක් තිබෙනවා. හැබැයි සමස්තයට ම එක පිළිතුරක් දෙන්න බෑ. යම් සාධාරණ විසඳුමක් දෙන්න නීතිපති දෙපාර්තමේන්තුව මැදිහත් වෙන බව කිව හැකියි.