ගංවතුර

හොරණ වගවත්ත ප්‍රදේශයේ හෝටලයක නවාතැන් ගෙන සිටි සිටි වැඩිහිටි සහ කුඩා දරුවන් ඇතුළු පුද්ගලයන් 85 කට ආසන්න කණ්ඩායමක් මාවක් ඔය පිටාර ගැලීම හේතුවෙන් එම හෝටලය තුළ කොටුව සිටියදී පොලිස් නිලධාරීන් සහ ප්‍රාදේශීය සභාවේ නිලධාරීන් එක්ව සිදුකළ මෙහෙයුමකින් මුදාගෙන තිබේ.

ඒ පිළිබඳ හොරණ මූලස්ථාන පොලිසියේ ස්ථානාධිපති ප්‍රධාන පොලිස් පරීක්ෂක පි එස් පනාවල වෙත තොරතුරු දැන ගැනීමට ලැබීමෙන් අනතුරුව අදාල කණ්ඩායම බෝට්ටු යොදා ගනිමින් නිරුපද්‍රිතව බේරා ගැනීමට කටයුතු කළ බව අප ප්‍රාදේශීය වාර්තාකරු පැවසීය.

පුත්තලම දිස්ත්‍රික් ලේකම් එච්.එම්.එස්.පි.හේරත් පැවසූවේ ඊයේ (18) රාත්‍රියේ සිට අද අලුයම දක්වා ඇද හැලෙනා මහා වර්ෂාවෙන් මහකුඹුක්කඩවල, කරුවලගස්වැව, මාදම්පේ, මුන්දලම, පුත්තලම, හලාවත, ආරච්චිකට්ටුව යන ප්‍රාදේශීය ලේකම් වසම් වල පවුල් 4769 ක පුද්ගලයින් 19128ක පිරිසක් පිඩාවට පත්ව ඇති බවයි.

දිස්ත්‍රික් ලේකම්වරයා වැඩිදුරටත් පැවසූවේ ඉන් වැඩිම පිරිසක් පිඩාවට පත්ව ඇත්තේ පුත්තලම ප්‍රාදේශීය ලේකම් කොඨඨාශයේ වන අතර එහි ග්‍රාම නිළධාරී වසම් 11 ක පවුල් 4582 ක පුද්ගල‍ෙන් 18497 ක පිරිසක් එසේ අවතැන්ව ඇති බවත් ය.

ගංවතුර හේතුවෙන් මෙලෙස පිඩාවට පත්වු ජනතාව අතරින් පවුල් 340 ක පුද්ගලයින් 1140 ක සංඛ්‍යාවක් ආරක්ෂීත ස්ථාන හතරක ‍රඳවා ඇති බවත් අදාල ප්‍රාදේශීය ලේකම් බල ප්‍රදේශවල ප්‍රාදේශීය ලේකම්වරුන් හරහා අනිකුත් රාජ්‍ය නිළධාරීන්ද සම්බන්ධ කර ගනිමින් එම පිරිස් වෙත පිසු ආහාර ලබා දීමටද මේ වන විට ක්‍රියාත්මක කර ඇති බව සඳහන් වේ.

ආපදා කළමනාකරණ මධ්‍යස්ථානය කියා සිටියේ, මහනුවර නගරයට ඊයේ (16) සවස ඇදහැලුණු ධාරානිපාත වර්ෂාව හේතුවෙන් මහනුවර දුම්රිය ස්ථානය ඇතුළු මහනුවර නගරයේ ස්ථාන රැසක් ජලයෙන් යට වී රථ වාහන ධාවනයට ද බාධා ඇතිවූ බවයි.

එම වර්ෂාවත් සමඟ බෝගම්බර ඉහළ කඳු මුදුනින් ගලා ආ විශාල ජල ධාරා හේතුවෙන් දුම්රිය ස්ථානය ඉදිරිපස සහ ඒ අවට සම්පූර්ණයෙන් ජලයෙන් යට වී ගිය අතර දුම්රිය මාර්ගද සැලකිය යුතු මට්ටමකින් ජලයෙන් යට වී ගියේය.

ආපදා කළමනාකරණ මධ්‍යස්ථානය පැවසූවේ ඊයේ (16) මහනුවර නගරයට පස්වරු 2.00 පසු මිලිමීටර් 100 කට අධික වර්ෂාපතනයක් එකවර ඇදහැලුන බවයි.

දීර්ග කාලයක් පුරාවට කාණු පද්ධතිය පිරීයාමත් නගරය පුරා අනවසර ඉදිකිරීම් නිසාත් නුවර නගරය සුළු වැසි තත්වයන්ගෙන් උවද ජලයෙන් යටවී යන බව ප්‍රදේශවාසීන් පවසති. ඔවුන් පෙන්වා දෙන්නේ මේ සම්බන්ධයෙන් දිගින් දිගටම බලධාරීන් දැනුවත් කළද, නිසි පිළිතුරක් නොමැති වීමෙන් ජනතාව මහත් අසීරුතාවට පත්ව ඇති බවයි.