By unusuma.lk on (LK time)
හිටපු මහජන ආරක්ෂක අමාත්‍ය ටිරාන් අලස්ගෙන් සිදුකළ ප්‍රශ්න කිරීම සම්බන්ධයෙන් අතිරේක සොලිසිටර් ජනරාල් දිලීප පීරිස් මහතා අද දින මාතර මහේස්ත්‍රාත් අධිකරණය හමුවේ කරුණු දැක්වුවා.
අතිරේක සොලිසිටර් ජනරාල් දිලීප පීරිස් සදහන් කළේ,
“ස්වාමීනී, මෙම ප්‍රශ්නගත වෙඩි තැබීමට පසු දින එවකට මහජන ආරක්ෂක අමාත්‍යවරයා ලෙස කටයුතු කළ ටිරාන් අලස් මහතා සැකකාර පොලිස්පතිවරයා සමඟ ප්‍රවෘත්ති සාකච්ඡාවක් පවත්වමින් කියා සිටියා මත්ද්‍රව්‍ය ඡවාරම්කරුවෙකු අල්ලන්න ගිය විට සිදු වූ සිදුවීමක් කියලා මේ වෙඩි තැබීම.
ඒක සම්පූර්ණ ගොතපු කතාවක්. අපි මේ පිළිබඳව එදින ටිරාන් අලස් මහතාගෙන් ප්‍රශ්න කළා. ඔහු කිව්වේ මේ සිදුවීම ගැන ඔහු දැනුවත් වීමක් තිබුණේ නෑ කියලා. පොලිස්පති දේශබන්දු සහ කොළඹ අපරාධ කොට්ඨාසයේ හිටපු අධ්‍යක්ෂ නෙවිල් ද සිල්වා මහතා ලබාදුන් කරුණු අනුව එදින ඒ ප්‍රවෘත්ති සාකච්ඡාවේ කරණු කිව්වා කියලා.
ඔහුට හැබැයි මම දන්නේ නෑ කියලා ලිස්සලා යන්න බෑ.. ඒ පිළිබඳව අපි තව විමර්ශන කරනවා. ඒ වගේම ටිරාන් අලස් මහතා සිද්ධියෙන් මියගිය පොලිස් සැරයන්වරයාගේ පවුලට වන්දියක් දෙන්න කියලා එවකට ජනාධිපති රනිල් වික්‍රමසිංහට දැනුම්දීලා තියෙනවා.
එවිට රනිල් වික්‍රමසිංහ මහතා ලක්ෂ 25ක වන්දි මුදලක් දීලා තියෙනවා. කිසිදු නිවැරදි නිර්ණායකයක් නැතිව මහජන මුදලින් එවැනි වන්දියක් ගෙව්වෙ කොහොමද කියලා එවකට ජනාධිපති රනිල් වික‍්‍රමසිංහගෙන් ප්‍රකාශ අරගෙන විමර්ශනයක් කරන්න කටයුතු කරනවා.”
