ශ්රේෂ්ඨාධිකරණය සහ අභියාචනාධිකරණයේ විනිසුරුවරුන්ගේ විශ්රාම වයස වසර 2කින් දීර්ඝ කිරීම සම්බන්ධයෙන් අද (27) දින තීරණයක් ගැනීමට නියමිතව ඇත.
ඒ අනුව විනිසුරුවරුන්ගේ විශ්රාම වයස වසර 2කින් දීර්ඝ කිරීමේ යෝජනාව අද (27) දින අමාත්ය මණ්ඩලයට ඉදිරිපත් කිරීමට නියමිතය.
ශ්රේෂ්ඨාධිකරණ විනිසුරුවරුන්ගේ වර්තමාන විශ්රාම වයස අවුරුදු 65ක් ලෙස නියම කර ඇති අතර නව යෝජනාවට අනුව ආණ්ඩුක්රම ව්යවස්ථා සංශෝධනයක් හරහා විශ්රාම වයස අවුරුදු 67ක් දක්වා දීර්ඝ කරයි.
අභියාචනාධිකරණ විනිසුරුවරුන්ගේ වර්තමාන විශ්රාම වයස අවුරුදු 63ක් ලෙස නියම කර ඇති අතර නව යෝජනාවට අනුව ආණ්ඩුක්රම ව්යවස්ථා සංශෝධනයක් හරහා විශ්රාම වයස අවුරුදු 65ක් දක්වා දීර්ඝ කරයි.
තවද මහාධිකරණ සහ මහේස්ත්රාත් අධිකරණ විනිසුරුවරුන්ගේ විශ්රාම වයස සීමාවන් සම්බන්ධයෙන් ද සමාන්තර යෝජනාවක් කැබිනට් මණ්ඩලයට ඉදිරිපත් කිරීමට නියමිතව ඇත.
