Local news

මේ රටේ ජනාධිපති පුටුවේ ජෝකර්ලා වාඩි කරන්නේ නෑ.!

මේ රටේ ජනාධිපති පුටුවේ ජෝකර්ලා වාඩි කරන්නේ නෑ.!

මේ රටේ ජනාධිපති පුටුවේ ජෝකර්ලා වාඩි කරන්නේ නැති බවත් සමහරවිට අවුරුදු 80 වේදී පමණ නාමල් රාජපක්ෂට ජනාධිපති වෙන්න පුළුවන් බව ප්‍රවාහන සහ මහාමාර්ග නියෝජ්‍ය අමාත්‍ය වෛද්‍ය ප්‍රසන්න ගුණසේන සඳහන් කරයි.

නියෝජ්‍ය අමාත්‍ය වෛද්‍ය ප්‍රසන්න ගුණසේන අද (24) දින පාර්ලිමේන්තුවේදී සඳහන් කළේ,

“විපක්ෂයේ වැඩි මන්ත්‍රීන් පිරිසක් යෝජනා ඉදිරිපත් කළේ. ඒ වෙනුවෙන් ස්තූතිවන්ත වෙනවා. හැබැයි එක මන්ත්‍රීවරයෙක් හැර, නාමල් රාජපක්ෂ මන්ත්‍රීතුමා හැර.

ඉතිං කියන්න ඕන, පිලිපීනය නම් ඕගොල්ලෝ දන්නවා ෆර්ඩිනැන්ඩ මාකෝස් 1986දී පහ කරනවා. ඒකාධිපතිත්වයේ ඉදලා පහ කරලා දානවා. හැබැයි අවුරුදු ගානකට පස්සේ බොං බොං, ෆර්ඩිනැන්ඩ මාකෝස්ගේ පුතා දැන් පිලිපීනයේ ජනාධිපති වෙනවා 2022දී.

අවුරුදු 40කට පස්සේ. 80වේදී පුළුවන් වෙයි සමහරවිට නාමල්ට ජනාධිපති වෙන්න. හැබැයි, ලෝකයේ සමාජ සිද්ධීන් වෙනකොට දළ වශයෙන් පළවෙනි සිද්ධිය මිනිස්සු වැලදගන්නවා උත්කර්ෂයට අරගෙන. හැබැයි දෙවැනි සිද්ධිය ගන්නේ ජෝක් එකක් විදිහට.

ඒනිසා මම හිතන්නේ නෑ මේ රටේ කවදාවත් ජනාධිපති පුටුවේ බොං බොංලා වාඩි කරයි කියලා. ජෝකර්ලා වාඩි කරන්නේ නෑ. මොකද නාමල් රාජපක්ෂ මන්ත්‍රීතුමා දිගටම ගත්තෙ කරුණු කාරණා මේ පොත අරගෙන. මේක ඇවිල්ලා ප්‍රගති වාර්තාව 2025.09.30.”

පාස්කු ප්‍රහාරය වළක්වා නොගත් පූජිතට සහ හේමසිරිට දින නියම වෙයි.!

පාස්කු ප්‍රහාරය වළක්වා නොගත් පූජිතට සහ හේමසිරිට දින නියම වෙයි.!

හිටපු පොලිස්පති පූජිත ජයසුන්දරට සහ හිටපු ආරක්ෂක ලේකම් හේමසිරි ප්‍රනාන්දුට එරෙහිව නීතිපතිවරයා ඉදිරිපත් කර ඇති නඩුව එළඹෙන ජනවාරි (26) දින යළි කැඳවන ලෙස කොළඹ මහාධිකරණය නියෝග කර ඇත.

පාස්කු ප්‍රහාරයක් එල්ල වීමට නියමිත බවට බුද්ධි තොරතුරු ලැබී තිබියදීත් එය වළක්වා ගැනීමට කටයුතු නොකිරීම තුළින් සාපරාධි ලෙස රාජකාරිය පැහැර හැරීම ඇතුළු චෝදනා සම්බන්ධව පූජිත් ජයසුන්දර සහ හේමසිරි ප්‍රනාන්දු යන අය විත්තියේ සාක්ෂි කැඳවීමකින් තොරව නිදොස් කොට නිදහස් කරන ලෙස කොළඹ ත්‍රිපුද්ගල මහාධිකරණ විනිසුරු මඩුල්ලක් විසින් මීට පෙර නියෝග කර තිබුණේය.

අනතුරුව එම තීන්දුවට එරෙහිව නීතිපතිවරයා ඉදිරිපත් කළ අභියාචනයක් විභාග කළ ශ්‍රේෂ්ඨාධිකරණය විත්තිකරුවන් නිදොස් කොට නිදහස් කරමින් දුන් තීන්දුව ඉවත දමමින් අදාළ නඩුව යළි කැඳවා විත්තියේ සාක්ෂි කැඳවීමෙන් අනතුරුව තීන්දුවක් ලබාදෙන ලෙසට නඩුව විභාග කළ ත්‍රිපුද්ගල මහාධිකරණ විනිසුරු මඩුල්ලට නියම කර තිබුණේය.

ගයත්‍රි ඩයස් CIDයට කැඳවයි.!

ගයත්‍රි ඩයස් CIDයට කැඳවයි.!

රූපලාවන්‍ය ශිල්පිණියක් සහ රංගන ශිල්පිණියක් වන ගයත්‍රි ඩයස් අද (24) දින අපරාධ පරීක්ෂණ දෙපාර්තමේන්තුව හමුවට පැමිණ ඇත.

ගයත්‍රි ඩයස් ප්‍රකාශයක් ලබාදීම සඳහා අපරාධ පරීක්ෂණ දෙපාර්තමේන්තුව හමුවට පැමිණ ඇත.

විදුලි බල්බ පෙන්වා ගහපු ගැහිල්ල හෙළිවෙයි.!

විදුලි බල්බ පෙන්වා ගහපු ගැහිල්ල හෙළිවෙයි.!

මාර්ග ආලෝක කටයුතු සදහා බෝපෙ පොද්දල ප්‍රාදේශිය සභාව විසින් බල්බ මිලදි ගැනිමේදි රුපියල් 250කට මිලදි ගැනිමට තිබු බල්බයක් රුපියල් 1195කට මිලදි ගැනීමෙන් සභා අරමුදලට රුපියල් හාරලක්ෂ හතලිස්පන් දහසක පාඩුවක් සිදුවි ඇති බව ජාතික විගණන කාර්යාලය මගින් නිකුත් කළ විගණන වාර්තාවක සදහන් කර ඇත.

බල්බ දහසක් මිලදි ගැනිම සදහා ආයතන 08කින් මිල ගණන් කැදවා ඇති අතර අනතුරුව මුදල් කාරක සභාවේ තිරණය මත පිරිවිතර සමග ගැලපෙන අවම මිල ඉදිරිපත් කර ඇති ආයතනයෙන් එක් බල්බයක් රුපියල් 250ක මුදලකට මිලදි ගැනිමට තීන්දු කර ඇත.

එහෙත් ප්‍රාදේශිය සභාව විසින් එක් බල්බයක් රුපියල් 250ක මුදලකට මිලදී ගැනීමට අනුකුල නොව් එක් බල්බයක් රුපියල් 1,195 මුදලකට මිලදි ගැනිම නිසා සභා අරමුදලට මෙම පාඩුව සිදුවි ඇති බව විගණන වාර්තාවේ සදහන් වේ.

ඒ අනුව වැඩිපුර ගෙවිම් කළ මුදල් වගකිවයුතු නිලධාරීන්ගෙන් අයකළ යුතු බවට 2024 වර්ෂයට අදාළව නිකුත් කර ඇති විගණන වාර්තාව මගින් නිර්දේශ කර ඇත.

පුද්ගලයින් 10කට මරණ දඬුවම.!

පුද්ගලයින් 10කට මරණ දඬුවම.!

ඝාතනයක් සම්බන්ධයෙන් වරදකරුවන් වූ පුද්ගලයින් දස දෙනෙකුට ඇඹිලිපිටිය මහාධිකරණය විසින් මරණ දඬුවම නියම කර ඇත.

පැල් රකිමින් සිටියදී මියගිය මාලිමා මන්ත්‍රීවරයාගේ සංවේදී කතාව.!

පැල් රකිමින් සිටියදී මියගිය මාලිමා මන්ත්‍රීවරයාගේ සංවේදී කතාව.!

මාලිමාවට බලය හිමි ගෝමරන්කඩවල ප්‍රාදේශීය සභාවේ සභාපතිවරයා වූ රංගික ප්‍රගාද් ධර්මදාස මහතාගේ (34) හදිසි වියෝවෙන් කම්පාවට පත් ඔහුගේ පියා වන නන්හාමිගේ ධර්මදාස මහතා විසින් මාධ්‍ය වෙත සංවේදී අදහස් දැක්වීමක් සිදුකර තිබේ.

ඔහු පැවසුවේ, “මගේ පුතා ප්‍රාදේශීය සභාවේ සභාපති වුවත් ඔහු වැටුපක් ලබා ගත්තේ නැහැ. දුරකථන කාඩ්පත් පවා මිලදී ගෙන දුන්නේ මමයි. ඔහුගේ අසනීප තත්ත්වය වෙනුවෙන් මාසිකව රුපියල් අටදාහක් හෝ නවදාහක් පමණ බෙහෙත් සඳහා වැය වන අතර, ඒ සඳහා අවශ්‍ය මුදල් ලබා දුන්නෙත් මමයි. මගේ කුඹුරේ ගොයම වන සතුන්ගෙන් ආරක්ෂා කර ගැනීම සඳහා පුතා පැල් රකින්නට ගොස් සිටියදීයි අසනීප වී මිය ගියේ” යනුවෙනි.

ගෝමරන්කඩවල ප්‍රාදේශීය සභාවේ සභාපති රංගික ප්‍රගාද් ධර්මදාස මහතා ඉකුත් 21 වැනිදා පාන්දර වන සතුන්ගෙන් කුඹුර ආරක්ෂා කරමින් සිටියදී ඇතිවූ හදිසි අසනීප තත්ත්වයකින් වියෝ විය. ඔහුගේ අවසන් කටයුතු ඊයේ (23) සිදු කෙරිණි.

රජරට විශ්ව විද්‍යාලයේ පුරාවිද්‍යා විශේෂවේදී උපාධිධාරියකු වන රංගික ප්‍රගාද් ධර්මදාස මහතා, විශ්ව විද්‍යාලය තුළ ශිෂ්‍ය අරගලවලින් ලද අත්දැකීම් මත පන්නරය ලබා, ඉකුත් මැයි මාසයේ පැවති පළාත් පාලන මැතිවරණයට ගල්කඩවල කොට්ඨාසය නියෝජනය කරමින් මාලිමාව යටතේ තරග වැදී ප්‍රාදේශීය සභාවට තේරී පත් විය. ඉන් අනතුරුව ඔහු සභාපති ධුරයට පත් විය.

වෘත්තියෙන් ගොවිතැනෙහි නිරත වූ ඔහු සභාපතිවරයා බවට පත් වුවද සිය වෘත්තිය අත්හැරියේ නැත. ඉකුත් 20 වැනිදා රාත්‍රියේ සිය කුඹුර වන සතුන්ගෙන් ආරක්ෂා කර ගැනීම සඳහා ගසක් මත වූ පැලක රැකවල් කරමින් සිටියදී ඔහු එම පැලේදී මියගොස් තිබුණි.

මියගිය සභාපතිවරයාගේ පියා වන නන්හාමිගේ ධර්මදාස මහතා සිය පුත්‍රයාගේ හදිසි වියෝව පිළිබඳව තවදුරටත් අදහස් දක්වමින් මෙසේ පැවසීය. “මගේ පුතා විවාහ වී සිටියේ නැහැ. ඔහුගේ හෘදය වස්තුව ක්‍රියාත්මක වන්නේ 30% ක් පමණක් බව වෛද්‍යවරුන් විසින් දැනුම් දී තිබුණා. ඒ සඳහා ඔහු බෙහෙත් ලබා ගත්තා. මම අක්කර පහක කුඹුරු කරනවා. මම වකුගඩු රෝගියෙක්. පුතාගේ මව සීනි අමාරුවට බෙහෙත් බොනවා. අපේ අගහිඟකම් නිසා පුතාගේ අම්මා ගෝමරන්කඩවල පොළේ එළවළු විකුණනවා. මේ දිනවල වත්තේ එළවළු නැති නිසා ඒ ආදායමත් නැහැ. මාසයකුත් දින දහයක් පමණ වයසැති මගේ කුඹුරේ ගොයම වන සතුන්ගෙන් බේරා ගැනීම සඳහා පුතා පැල් රකින්නට ගොස් සිටියදීයි අසනීප වී මිය ගියේ”.

මියගිය ප්‍රාදේශීය සභා සභාපතිවරයාට වැඩිමහල් සහෝදරියක් සහ බාල සහෝදරියක් සිටින බව වාර්තා වේ. වැඩිමහල් සහෝදරිය විවාහ වී සිටින අතර, අවිවාහක බාල සහෝදරිය ජෝර්දානයේ සේවය කර මීට දින විස්සකට පෙර ලංකාවට පැමිණ අනුරාධපුර ප්‍රදේශයේ ඇඟලුම් කම්හලක සේවයේ නිරත වෙමින් සිටියි.

මියගිය සභාපතිවරයාගේ පශ්චාත් මරණ පරීක්ෂණය ත්‍රිකුණාමලය රෝහලේදී ත්‍රිකුණාමලය වැඩ බලන නාගරික හදිසි මරණ පරීක්ෂක සහ කින්නියා හදිසි මරණ පරීක්ෂක මොහොම්මදු සුබෙයිර් සාපි මහතාගේ ප්‍රධානත්වයෙන් පැවැත්විණි.

එහිදී සාක්ෂි ලබා දුන් මියගිය අයගේ මව වන ගෝමරන්කඩවල, තිරප්පනේ පදිංචි එච්. ඒ. සුධර්මා රංජනී මහත්මිය මෙසේ පැවසුවාය. “මියගොස් ඇත්තේ මගේ පුතායි. ඔහුට වයස අවුරුදු හයේ සිට පපුවේ අමාරුවක් තිබුණා. ත්‍රිකුණාමලය, මඩකලපුව, අනුරාධපුර වැනි රෝහල්වලින් ඔහු විටින් විට ප්‍රතිකාර ලබා ගත්තා. 20 වැනිදා රාත්‍රී හතට පමණ පුතා කෑම වේලද රැගෙන පැල් රකින්නට කුඹුරට ගියා. රාත්‍රී 09.30 ට පමණ මම ඇමතුමක් ගත් විට පුතා කතා කළා. උදෑසන ඔහු නොපැමිණි නිසා අටයි තිහට පමණ නැවත ඇමතුමක් ගත්තත් ඔහු කතා කළේ නැහැ. ඒ නිසා වත්තේ වැඩ කරමින් සිටි අපි ඥාති පුත්‍රයකුට ‘පුතේ ගිහිල්ලා බලන්න මාමා තාම ආවේ නැත්තේ මොකද’ කියා පැවසුවා. ඉන් පසුවයි පුතා මියගිය බවට මට ආරංචි වුණේ.”

මියගිය සභාපතිවරයාගේ ඥාති පුත්‍රයකු වන සරත් මධුසංඛ ධර්මදාස මහතා මරණ පරීක්ෂණයේදී සාක්ෂි ලබා දෙමින් මෙසේ පැවසීය. “මාමා කතා කරන්නේ නැහැ කියා පැවසූ නිසා මම පැල වෙත ගියා. පැල තිබුණේ ගසක් උඩයි. බිම සිට කතා කළත් සද්දයක් නොලැබුණු නිසා මම පැලට උඩට නැග්ගා. බලන විට ඔහු සිහි නැතිව සිටියා. මම කීපදෙනෙක් එකතු කරගෙන මාමාව රෝහලට රැගෙන ගියා. වෛද්‍යවරුන් පරීක්ෂා කර බලා ඔහු මිය ගොස් ඇති බව පැවසුවා.”

සාක්ෂි මෙහෙයවීම ගෝමරංකඩවල පොලිසියේ සැරයන් (22930) එස්. එම්. ජේ. ජී. සමරකෝන් මහතා විසින් සිදු කරන ලද අතර, පශ්චාත් මරණ පරීක්ෂණය ත්‍රිකුණාමලය මහ රෝහලේ අධිකරණ වෛද්‍ය විශේෂඥ බී. එල්. පී. එම්. බෝරුක්ගම මහතා විසින් සිදු කරනු ලැබීය.

මරණයට හේතුව නිශ්චිතවම හඳුනා ගැනීම සඳහා මළ සිරුරේ අභ්‍යන්තර ඉන්ද්‍රිය කොටස් සාම්පල රජයේ රස පරීක්ෂක වෙත යැවීමට මෙහිදී තීරණය විය.

ඉදිරිපත් වූ සාක්ෂි සැලකිල්ලට ගත් ත්‍රිකුණාමලය වැඩ බලන හදිසි නාගරික මරණ පරීක්ෂක මොහොම්මදු සුබෙයිර් සාපි මහතා, මරණය සම්බන්ධයෙන් සැකයක් නොමැති බව ඥාතීන් ප්‍රකාශ කිරීම අනුව විවෘත තීන්දුවක් ප්‍රකාශයට පත් කරමින් අවසන් කටයුතු සඳහා මළ සිරුර ඥාතීන්ට භාරදීමට කටයුතු කළේය.

පාසල් වෑන් රථ සඳහා CCTV කැමරා පද්ධති අනිවාර්ය කරයි.!

පාසල් වෑන් රථ සඳහා CCTV කැමරා පද්ධති අනිවාර්ය කරයි.!

පාසල් වෑන් රථ සඳහා CCTV කැමරා පද්ධති අනිවාර්ය කිරීමට කටයුතු කරන බව ප්‍රවාහන, මහාමාර්ග සහ නාගරික සංවර්ධන අමාත්‍ය බිමල් රත්නායක සඳහන් කරයි.

පාසල් ප්‍රවාහන සේවා සඳහා සහ කාර්යාල ප්‍රවාහන සේවා සඳහා මාර්ගෝපදේශ මාලාවක් ජනවාරි මාසයේ සිට හඳුන්වා දීමට කටයුතු කරන බවද අමාත්‍ය බිමල් රත්නායක සඳහන් කරයි.

අමාත්‍ය බිමල් රත්නායක අද (24) දින පාර්ලිමේන්තුවේදී සඳහන් කළේ,

“විශේෂයෙන් අපි පාසල් වෑන් වලට අනිවාර්ය කරන්න යනවා CCTV. එතකොට දෙමාපියන්ට බලන්න පුළුවන් විදිහට. මේකට තියෙන එකම උත්තරය තමයි, ප්‍රධාන උත්තරය තමයි මගීන් ශක්තිමත් කරන එක.

කාන්තාවකට හරි දරුවෙක්ට හරි අතවරයක් කරන්න කවුරුහරි උත්සාහ කරනවා නම් ඒක නොදැක්කා වගේ ඉන්නේ නැතුව ඒකට එරෙහිව කටයුතු කරන මිනිස්සු අවශ්‍යයි.

ගැහැණු හරි පිරිමි හරි. නමුත් වෙලා තියෙන්නේ අපේ බස් කර්මාන්තයේ තිබෙන සමහර නපුරු තත්වයන් නිසා මිනිස්සු බයයි තව කෙනෙක් වෙනුවෙන් ඉදිරිපත් වෙන්න.

ඒ නිසා බස් කර්මාන්තය වෘත්තිමය මට්ටමට ගේන එක ත්‍රිරෝද රථ කර්මාන්තය වෘත්තීය මට්ටමට ගේන එක මං හිතනවා ඔරේන්ජ් කලර් එක රෙඩ් පැත්තට යන්නේ නැතිව ග්‍රීන් පැත්තට ගේන්න අපි ගන්න උත්සාහයක් කියලා.”

විශ්‍රාමික රණවිරුවන් පාර්ලිමේන්තුව වටලන්න යයි.!

විශ්‍රාමික රණවිරුවන් පාර්ලිමේන්තුව වටලන්න යයි.!

විශ්‍රාමික රණවිරුවන්ගේ විරෝධතාව: පොල්දූව වටරවුමේ උණුසුම් තත්ත්වයක්

ත්‍රිවිධ හමුදාව සහ පොලීසියේ විශ්‍රාමික රණවිරුවන් පිරිසක් විසින් අද (24) දින කොළඹ පොල්දූව පාර්ලිමේන්තු වටරවුමේදී විරෝධතාවක නිරත විය.

රණවිරු අයිතිවාසිකම් සුරැකීමේ ජාතික සංවිධානය විසින් සංවිධානය කරන ලද මෙම විරෝධතාවට විශ්‍රාමික රණවිරුවන් රැසක් එක්ව සිටියහ.

ඔවුන්ගේ ප්‍රධාන ඉල්ලීම වූයේ, තමන් මිය ගිය පසු සිය විශ්‍රාම වැටුප කිසිදු කප්පාදුවකින් තොරව යැපෙන්නන් හට ලබා දෙන ලෙසයි.

විරෝධතාව අවසානයේදී, පිරිස පාර්ලිමේන්තුව දෙසට ගමන් කිරීමට උත්සාහ කිරීමත් සමඟ පොලීසිය විසින් ඔවුන් වැළැක්වීමට ගත් උත්සාහය හේතුවෙන් එම ස්ථානයේ උණුසුම් තත්ත්වයක් නිර්මාණය විය.

අගමැතිනිය හා අමෙරිකානු තානාපතිනිය අතර හමුවක්.!

අගමැතිනිය හා අමෙරිකානු තානාපතිනිය අතර හමුවක්.!

අග්‍රාමාත්‍ය ආචාර්ය හරිනි අමරසූරිය සහ ශ්‍රී ලංකාවේ අමෙරිකා එක්සත් ජනපද තානාපතිනි Julie Jiyoon Chung අතර හමුවක් අද (24) දින පාර්ලිමේන්තුවේදී පැවැත්විණ.

තානාපතිනිය විසින් එක්සත් ජාතීන්ගේ සංවිධානය විසින් සිදු කරනු ලබන සාම බලකා (Peace Corps) අධ්‍යාපන හා සංස්කෘතික හුවමාරු වැඩසටහන පිළිබඳවත් අනෙකුත් සහයෝගීතා වැඩසටහන්වල ප්‍රගතිය පිළිබඳව මෙම හමුවේදී සඳහන් කර ඇත.

එමෙන්ම ෆුල්බ්‍රයිට් ජාත්‍යන්තර ශිෂ්‍යත්ව හුවමාරු වැඩසටහන මගින් දෙරට අතර අධ්‍යාපනික සබඳතා ශක්තිමත් කිරීම පිළිබඳවත් මෙහිදී අවධාරණය කර ඇත.

තවද ඉදිරියේදී ක්‍රියාත්මක කිරීමට සූදානම් අධ්‍යාපන ප්‍රතිසංස්කරණ සඳහා අධ්‍යාපන අමාත්‍යාංශය, විභාග දෙපාර්තමේන්තුව සහ ජාතික අධ්‍යාපන ආයතනය යන ක්ෂේත්‍රයන්හි තාක්ෂණික විශේෂඥතා සහාය වැඩි කර ගැනීමේ අවශ්‍යතාවය පිළිබඳව මෙහිදී අග්‍රාමාත්‍යවරිය විසින් අවධාරණය කළාය.

කඩුගන්නාව නායයෑමෙන් පසු සුන් බුන් අතර සිරවී මරණයෙන් ගැලවූනු කාන්තාවගේ සංවේදී අත්දැකීම.!

කඩුගන්නාව නායයෑමෙන් පසු සුන් බුන් අතර සිරවී මරණයෙන් ගැලවූනු කාන්තාවගේ සංවේදී අත්දැකීම.!

කඩුගන්නාව නායයෑම: මරණයෙන් ගැලවූ කාන්තාවගේ සංවේදී අත්දැකීම

කොළඹ – මහනුවර ප්‍රධාන මාර්ගයේ පහළ කඩුගන්නාව ප්‍රදේශයේ පිහිටි නිවසක් සහ ආපනශාලාවක් මතට පසුගිය 22 උදෑසන ගල් පර්වතයක් සමඟ පස් කන්දක් කඩා වැටීමේ අවාසනාවන්ත සිදුවීමෙන් පුද්ගලයන් 06 දෙනෙකුට දිවි අහිමි වූ අතර, 05 දෙනෙකු තුවාල ලබා රෝහල්ගත කෙරිණි.

මෙම නායයෑමත් සමඟ සුන්බුන්වලට යටවී ජීවිතයත් මරණයත් අතර සටනේ නිරතවූ පිරිස අතරින් එක් කාන්තාවක් දිවි ගලවා ගැනීමට වාසනාවන්ත වූවාය. මුදාගැනීමේ මෙහෙයුම ආරම්භ වී පැය 6කට පසුවත් නිරුපද්‍රිතව සිටි ඇය, තමන් මුහුණපෑ බිහිසුණු අත්දැකීම මාධ්‍ය වෙත අනාවරණය කළේ මෙලෙසිනි.

ඇයගේ වාසනාවන්ත ගැලවීමට හේතු වූ සිදුවීම විස්තර කරමින් ඇය මෙසේ පැවසුවාය:

“අපිට උදේ වරුව ටිකක් කාර්‍යබහුල වුණා. අංකල් සාමාන්‍යයෙන් මට කියනවා, දුව තේ එකක් හදන්නකෝ අපිට බොන්න කියලා. මම තේ එක හදලා ඉවර වෙලා කිව්වා, අංකල් තේ එක හැදුවා බොමු කියලා. තේ එක බීලා මම වෙනදා වොෂ් රූම් එකට යනවා. ඒත් මම ඊයේ වොෂ් රූම් එකට ගියේ නැහැ. ඒක මගේ වාසනාව. වොෂ් රූම් ගියා නම් මම අද ජීවතුන් අතර නැහැ. ටික වෙලාවක් යද්දි ඒ අයියා ඇවිල්ලා මොකක් හරි ඉල්ලුවා මගෙන්. හරි අයියේ දෙන්නම් කියලා මං උඩ බැලුවා. බලද්දී මට තේරුණා ගහක් මේ පැත්තට එනවා වගේ. ඊට පස්සේ මං එතනින් කෑ ගහගෙන දුවගෙන ආවා, අංකල් ගහක් එනවා දුවමු.. දුවමු.. කියලා. දුවන්න හම්බුණේ නැහැ, මම හිර වෙලා හිටියේ.”

ඉන් අනතුරුව එම බිහිසුණු අත්දැකීම සම්බන්ධයෙන් ඇය තවදුරටත් අදහස් දැක්වූයේ මෙලෙසිනි:

“මං හිරවෙලා ඉන්න අතරතුරේ, මට හිතාගන්න බැහැ දැන් මට මොකක්ද වෙන්නේ කියලා. ඊට පස්සේ මං හිත තද කරගෙන මගේ දරුවයි මහත්තයාවයි මතක් කරගත්තා. මේ දෙන්නගේ වාසනාවක් තියෙනවා නම් මං බේරෙනවා කියලා. ටික වෙලාවක් යද්දි මට එළියෙන් සද්ද ඇහෙනවා. එක්කෙනෙක් මට කියනවා ඇහුණා නංගි ඇතුළේ.. නංගි ඇතුළේ.. කියලා. ඊට පස්සේ පිටින් ඇවිල්ලා කියනවා කට්ටිය බැකෝ දාලා මේ පැත්තෙන් කඩමු, පඩි පේළිය කඩමු එහෙම කියලා. ඒවත් මට හොඳට ඇහෙනවා. මං කතා කරන එක එළියට ඇහෙන්නේ නැහැ. මං අන්තිමේදී ඇස් දෙක පියාගත්තා… ගෑස් සිලින්ඩරයක් උඩ තමා කොන්ක්‍රිට් තට්ටුව හිර වෙලා තියෙන්නේ. ඒ නිසා මට ඉඩ පරතරයක් ආවා. බැකෝ දාලා කඩමු කියද්දී මට හිත ටිකක් අවුල් ගියා.. මොකද එහෙම කරොත් කෑලි ඇඟටනේ වැටෙන්නේ. ඊට පස්සෙ කිව්වා බූම් එක දාලා කොන්ක්‍රිට් එක උස්සමු කියලා. එතකොට මගේ හිත ටිකක් හරි ගියා. එක මල්ලි කෙනෙක් පෙනුණා කවුද දන්නේ නැහැ.. ආමි එකේද පොලිසියෙද කියලා.. මම “බුදු මල්ලී.. මං ඇතුලේ ඉන්නවා” කිව්වා. එතකොට එයා කිව්වා “අනේ මගේ අක්කේ.. ඔයා බය වෙන්න එපා අපි ඔයාව ගන්නවා” කියලා. ඊට පස්සේ මං අත දාලා මං ඉන්න තැන සංඥා කළා එයාට. ඊට පස්සේ එයා ටෝච් එකක් ගහලා බැලුවා. ඊට පස්සේ එයාල මාව ඇදලා අර ගත්තා.” යනුවෙන් ඇය එම අත්දැකීම විස්තර කළාය.

Follow WhatsApp Channel