ශ්රී ලංකාවේ බෞද්ධ ජනතාවගේ ඉමහත් ගෞරවයට හා වන්දනාමානයට පාත්ර වී ඇති ශ්රී සර්වඥ ධාතූන් වහන්සේලා කිහිපනමක්, අමෙරිකාවේ ටෙක්සාස්හි මහා විපස්සනා භාවනා මධ්යස්ථානය වෙත වැඩම කරවා වන්දනාමාන කිරීම හා ප්රදර්ශනය කිරීම සඳහා කැබිනට් අනුමැතිය හිමිව ඇත.
ක්රි.පූ. 1-2 සියවස් වලට අයත් අම්පාර, ලාහුගල ප්රාදේශීය ලේකම් කොට්ඨාසයේ පිහිටා ඇති නීලගිරි ස්ථූප කැනීමෙන් අනාවරණ කර ගත් ධාතුන් වහන්සේලා, තායිලන්තයෙන් ප්රදානය කළ ගංගාරාම විහාරස්ථානයේ තැන්පත් කර ඇති කේශ ධාතුන් වහන්සේලා සහ මහියංගන රජමහා විහාරයේ තැනපත් කර ඇති සර්වඥ ධාතුන් වහන්සේලා මෙලෙස වැඩම කරවීමට නියමිතය.
එම සර්වඥ ධාතූන් වහන්සේලා මැයි (02) වැනිදා සිට මැයි (10) වැනිදා දක්වා ප්රදර්ශනය කිරීමට හා වන්දනාමාන කිරීමට කටයුතු සංවිධානය කර ඇත.
ටෙක්සාස්හි මහා විපස්සනා භාවනා මධ්යස්ථානයේ රතනගුණ ස්වාමීන් වහන්සේ සහ පඤ්ඤාකර ස්වාමීන් වහන්සේ විසින් කරන ලද ඉල්ලීමකට අනුව, බුද්ධ ශාසන, ආගමික සහ සංස්කෘතික කටයුතු අමාත්යවරයා විසින් අදාළ යෝජනාව අමාත්ය මණ්ඩලය වෙත ඉදිරිපත් කර ඇත.
