LIVE
විදේශ අමාත්ය විජිත හේරත් අද (26) එක්සත් ජාතීන්ගේ මහා මණ්ඩල සැසියට සහභාගිවීම සඳහා අමෙරිකාවේ නිව්යෝර්ක් නුවර බලා පිටත්ව යාමට නියමිතය.
සඳුදා පැවැත්වෙන මහා මණ්ඩල විවාදයේදී විදේශ අමාත්ය විජිත හේරත් ශ්රී ලංකාවේ ජාතික ප්රකාශය ඉදිරිපත් කිරීමට නියමිතය.
එහිදී ශ්රී ලංකාවේ වර්තමාන විදේශ ප්රතිපත්ති ප්රමුඛතා සහ ගෝලීය ගැටලු සම්බන්ධයෙන් රජයේ ස්ථාවරය ජාත්යන්තර ප්රජාව හමුවේ ඉදිරිපත් කරනු ඇත.
පසුගිය (22) වැනිදා ආරම්භ වූ එක්සත් ජාතීන්ගේ 81 වැනි මහා මණ්ඩල සැසිය, ලබන (28) වනදා දක්වා පැවැත්වීමට නියමිතයි.
සහයෝගීතාවය වර්ධනය කර ගැනීම සඳහා රටවල් කිහිපයක විදේශ අමාත්යවරුන් සහ එක්සත් ජාතීන්ගේ සංවිධානයේ ඉහළ නිලධාරීන් කිහිපදෙනෙකු සමඟ එහිදී අමාත්යවරයා සාකච්ඡා පැවැත්වීමට නියමිතව ඇත.