විදුලිය අඛණ්ඩව සැපයීම සඳහා ප්රමාණවත් පරිදි ගල්අඟුරු පවතින බව විදුලිබල සහ බලශක්ති අමාත්ය අනුර කරුණාතිලක සඳහන් කරයි.
මෙට්රික්ටොන් 60,000ක ගල්අඟුරු නැවක් අද (04) දිනයේ මෙරටට පැමිණෙන බවත් එනිසා ගල්අඟුරු පදනම් කරගනිමින් කිසිදු විදුලි කප්පාදුවක් සිදු නොකරන බවද අමාත්ය අනුර කරුණාතිලක සඳහන් කරයි.
නොරොච්චෝලේ බලාගාරයට ප්රමාණවත් ගල්අඟුරු සැපයුමක් තිබෙන බවත් ඉදිරියේදී ගල්අඟුරු හිගතාවයක් නොමැති බවත් එනිසා විදුලි කප්පාදුවක් සිදු නොවන බවද අමාත්ය අනුර කරුණාතිලක සඳහන් කරයි.
අමාත්ය අනුර කරුණාතිලක සඳහන් කළේ,
“2026 – 2027 කාලය සඳහා ගල්අඟුරු ප්රසම්පාදන ක්රියාවලිය අවසන් කරලා පළමු නැව, අපි බලාපොරොත්තු වෙනවා සැප්තැම්බර් (12) වැනිදා බලාගරය වෙතට ලගාවෙයි කියලා.
ඒ අනුව බලාගාරය වෙත පැමිණි පසු අඛණ්ඩව ගල්අඟුරු ලබාගැනිම සඳහා සැලැස්මක් තිබෙනවා. ඒ අනුව කිසිම විදියකින් අපට ගල්අඟුරු පිළිබඳව, හිඟතාවය පිළිබඳව ගැටළුවක් නැත.
අඛණ්ඩව සැපයීම සඳහා ප්රමාණවත් ගල්අඟුරු නොරොච්චෝලේ ගල්අඟුරු බලාගාරය සතුව පවතිනවා. විශේෂයෙන් පහුගිය කාලයේ ගෙනාපු ගල්අඟුරු වල යම් ප්රමාණයක් ඉතිරිව තිබෙනවා.
අපි බලාපොරොත්තු වෙනවා තවත් ගල්අඟුරු නැවක් නොරොච්චෝලේ වෙත ලගාවෙයි කියලා. ඒ ලගාවීමත් එක්ක බලාපොරොත්තු වෙනවා එතන මෙට්රික්ටොන් 60,000ක ප්රමාණයක්.
එනිසා නොරොච්චෝලේ බලාගාරයට ප්රමාණවත් ගල්අඟුරු සැපයුමක් තියෙනවා. ගල්අඟුරු හිගතාවය නිසා කිසිම විදියකින් විදුලිය කපා හැරීමක් කරන්න අපට සිද්ධ වෙන්නේ නෑ.
ජනතාවට සහතික වෙනවා, ගල්අඟුරු හිඟවීම නිසා විදුලිය කපාහැරීමක් සිද්ධ වෙන්නේ නෑ. අඛණ්ඩව විදුලිය සැපයීම අපි සහතික කරනවා.”
