හිටපු ජනාධිපති රනිල් වික්රමසිංහට අදාළ විමර්ශන කටයුතු මාසයක් තුළ අවසන් කර මාර්තු මස නඩු පැවරීමට කටයුතු කරන බව නීතිපතිවරයා (28) කොළඹ කොටුව මහේස්ත්රාත් අධිකරණයට දැනුම් දුන්නේය.
රුපියල් ලක්ෂ 166කට අධික රජයේ මුදල් සාවද්ය පරිහරණය කළ බවට චෝදනා කරමින් හිටපු ජනාධිපතිවරයාට එරෙහිව ඉදිරිපත් කර තිබෙන මෙම නඩුකරය කොළඹ කොටුව මහේස්ත්රාත් ඉසුරු නෙත්තිකුමාර ඉදිරියේ කැඳවූ අවස්ථාවේදී නීතිපතිවරයා වෙනුවෙන් පෙනී සිටි අතිරේක සොලිසිටර් ජනරාල් දිලීප පීරිස් මෙම දැනුම් දීම සිදු කළේය.
අධිකරණය හමුවේ විමර්ශන ප්රගතිය දැනුම් දුන් අතිරේක සොලිසිටර් ජනරාල් දිලීප පීරිස් සඳහන් කළේ,
“ස්වාමීනි මෙම අධිකරණයෙන් ලද නියෝග අනුව, පසුගිය නොවැම්බර් (13) වැනිදා නීතිපතිවරයාගේ උපදෙස් අනුව අපරාධ පරීක්ෂණ දෙපාර්තමේන්තුවේ විමරේශන නිලධාරීන් කණ්ඩායමක් ලන්ඩන් නුවරට පිටත් කළා මේ සම්බන්ධව විමර්ශන සිදු කරන්න.
ඒ ගැන ආරංචි වෙලා නීතිපතිතුමාව හම්බෙන්න ජනාධිපති නීතීඥ අනූජ ප්රේමරත්න, රොනල්ඩ් පෙරේරා ඇතුළු ජනාධිපති නීතීඥවරු තුන්දෙනෙක් ආවා. ඒ ආවේ මේ නඩුව ගැන කතා කරන්න නෙමේ. කොටවලා ඒ වැඩේ අවුල් කරන්න.
කොහොමද එහෙම ගියේ.? ශානි අබේසේකර පොලීසිය එක්ක නීතීපතිවරයගෙන් අවසර අරන්ද විමර්ශනය ගියේ කියලා තමා ඒ මහත්වරු තුන්දෙනා හෙව්වේ.”
“ස්වාමීනී ලන්ඩන් හිටපු තානාපති සරෝජා සිරිසේන ඇතුළු ලන්ඩන් තානාධිපති කාර්යාලයේ සියලු දෙනාගෙන්ම මේ විමර්ශනයට අදාලව ප්රකාශ ලබා ගත්තා.
සරෝජා සිරිසේන මහත්මිය ඇයගේ ප්රකාශයෙන් කියනවා රනිල් වික්රමසිංහට එදා උත්සවයේ බැල්කනි එකේ පුටුවක් වෙන් කර තිබූ බවත්, ඔහු වේදිකාවට නැඟ කතාවක් හෝ කළ නොකල බව.
ඒ වගේම මෛත්රී වික්රමසිංහට පමණක් නෙමේ ඒ උපාධිය කීප දෙනෙක්ටම හිමි වූ බවත් දින කීපයක් උපාධි ප්රධානෝත්සව මාලාවක් පැවැති බවත් ඇය ප්රකාශ ලබා දෙමින් කියලා තියෙනවා.
ස්වාමීනී මේ පළමු සැකකරුට බැල්කනි එකේ පුටවක් වෙන් වෙලා තිබිලා තියෙන්නේ. මොහු ඒ උත්සවයේ නිල ආරාධිත අමුත්තෙකුත් නෙමේ.”
අනතුරුව කොටුව මහේස්ත්රාත් ඉසුරු නෙත්තිකුමාර සඳහන් කළේ,
“සිදුකළ විමර්ශන තුළින් සුළු හෝ නිල කටයුත්තක් සඳහා මෙම සංචාරය කර තිබෙනවාද යන්න කරුණු අණාවරණය වීමක් තිබෙනවාද යන්න අධිකරණයට දැන ගත යුතුයි.”
එහිදී අතිරේක සොලිසිටර් ජනරාල් දිලීප පීරිස් සඳහන් කළේ,
“ස්වාමීනී මෙම උපාධි උත්සවයේ රනිල් වික්රමසිංහ පිලිගන්න කිසිඳු රාජ්ය නායකයෙක් පැමිණ නෑ. 2023 සැප්තැම්බර් 22,23 පළමු සැකකරු ගිය මෙම සංචාරයට ඔහුගේ ලේකම් දෙවන සැකකාර සොමිසාර ඛණ්ඩාර ඒකනායක සහභාගී වෙන්නෙත් නෑ.
හැබැයි සැප්තැම්බර් 13 – 20 දක්වා කියුබාවේ සහ ඇමරිකාවේ පළමු සැකකරු සිදුකළ නිල සංචාරයට මේ දෙවන සැකකරු සහභාගී වෙනවා. දෙවන සැකකරු දැනගෙන ඉදලා ඇමරිකාවේ යන්නේ නිල සංචාරයකට නෙමේ කියලා.
ඒකයි ඔහු සැප්තැම්බර් 22,23 ඒ සංචාරයට සහභාගී නොවෙන්නේ. මේක නිල සංචාරයක් වුණා නම් මොවුන් එක්ක ගියා චින්තක ප්රසන්න ජනාධිපති මාධ්ය ඒකකයේ ඡයාරූප ශිල්පියා.
ඔහුගේ ප්රකාශයෙන් කියනවා සැප්තැම්බර් 22,23 රනිල් වික්රමසිංහ කළ සංචාරයේ ඡායාරූප නෑ කියලා. නිල සංචාරයක් නම් ජනාධිපති මාධ්ය ඒකකයෙන් ගිය ඡායාරූප ශිල්පියා ඡයාරූප නොගෙන ඉන්නවද.? මේක ඉතාමත් පැහැදිලියි ස්වාමීනී මේ සංචාරය නිළ සංචාරයක් නෙමේ.”
