ඔස්ට්රේලියානු ජාතික ව්යාපාරිකයකුට අයත් රුපියල් මිලියන 20ක වටිනාකමකින් යුත් සමාගම් කොටස් ව්යාජ ඇටෝනි බලපත්රයක් සකස් කරමින් සාවද්ය ලෙස පරිහරණය කිරීමේ චෝදනා එල්ල වී සිටින හිටපු අමාත්ය උදය ගම්මන්පිලට එරෙහිව ගොනුකර තිබෙන නඩුව මාර්තු (27) යළි කැඳවන ලෙස කොළඹ මහාධිකරණය නියම කර ඇත.
මෙම නඩුව අද (17) කොළඹ මහාධිකරණ විනිසුරු නදී අපර්ණා සුවදුරුගොඩ ඉදිරියේ කැඳවනු ලැබු අතර එහිදී ඉදිරිපත් වූ කරුණු සලකා බැලූ විනිසුරුවරිය නඩුව යළි මාර්තු මස (27) වනදා කැඳවන ලෙස නියෝග කළාය.
1996 සැප්තැම්බර් (26) සහ 1997 සැප්තැම්බර් මස (25) අතර කාලසීමාව තුළ ඔස්ට්රේලියානු ජාතික ව්යාපාරිකයකු වන බ්රයන් ෂැඩික් නමැත්තාට අයත් ඩිජිටල් නොමිනීස් පුද්ගලික සමාගම නමින් මිලදී ගෙන තිබූ පෞද්ගලික බැංකුවකට අයත් කොටස් මිලියන 21ක් ව්යාජ ඇටෝනි බලපත්රයක් සකස් කොට විකිණීම තුළින් රුපියල් මිලියන 20ක මුදලක් සාපරාදී සාවද්ය පරිහරණය කළේ යැයි චෝදනා කරමින් උදය ගම්මන්පිලට එරෙහිව නීතිපතිවරයා විසින් මෙම නඩුව ඉකුත් යහපාලන රජය සමයේ ගොනු කළේය.