මේ මොහොතේ අමෙරිකාව සමග රාජ්යතාන්ත්රික විසදුමක් බලාපොරොත්තු නොවන බවත් අවශ්ය ඕනෑම කාලයක් සටන් කිරීමට ඉරානය සූදානමින් පසුවන බව ඉරාන නියෝජ්ය විදේශ අමාත්ය සයීඩ් කතිබිසාඩේ (Saeed Khatibzadeh) සඳහන් කරයි.
අමෙරිකාව සිය ගොඩබිම් හමුදා තම රට තුළට යෙදවුවහොත් ඔවුන්ට ‘වියට්නාමයේ සිදුවූවාක් වැනි’ දැවැන්ත ව්යසනයකට මුහුණදීමට සිදුවනු ඇතැයි නියෝජ්ය විදේශ අමාත්ය සයීඩ් කතිබිසාඩේ අනතුරු අඟවයි.
ඉරානය සමඟ ගොඩබිම් යුද්ධයකට එළඹීම අමෙරිකාවට පාලනය කරගත නොහැකි විනාශකාරී වැරැද්දක් වනු ඇති බවද ඉරාන නියෝජ්ය විදේශ අමාත්යවරයා සඳහන් කරයි.
අමෙරිකාව සිදු කිරීමට සැරසෙන ඕනෑම හමුදාමය මැදිහත්වීමක් නොසැලකිලිමත් ක්රියාවක් බවත් ඉරානයේ ස්වෛර්භාවය වෙනුවෙන් දීර්ඝකාලීන ආරක්ෂක ක්රියාමාර්ග ගැනීමට තම රට සූදානම් බවද විදේශ අමාත්යවරයා සඳහන් කරයි.
