මෙවර මහ මැතිවරණයෙන් සර්වජන බලය යටතේ තරඟවැද පරාජයට පත්වූ හිටපු පාර්ලිමේන්තු මන්ත්‍රී උදය ගම්මන්පිල මහතා පවසන්නේ “මා ඉන්ද්‍රජාලිකයෙක් නොවෙමි” යනුවෙන් ජනාධිපතිවරයා පැවසුවද එකම පක්ෂයක් යටතේ උතුර, දකුණ, නැගෙනහිර සහ මධ්‍යම පලාත් ජයග්‍රහණය කොට රට එකමුතු කොට පෙන්වා ඇති බැවින් ඔහු ඉන්ද්‍රජාලිකයෙකු වන බවයි.
අයි.එම්.එෆ් ගිවිසුම සමඟින් ඉදිරියට ගොස් දේශපාලන අර්බුදයක් ගොඩනගා ගන්නවාද නැතහොත් ඉන් ඉවත්වී ආර්ථික අර්බුදයක් ඇතිකරගන්නවාද යන තෝරාගැනීම් දෙකක් වත්මන් රජයට පවතින බවත් ගම්මන්පිල මහතා පවසයි.
මාර්තු මාසයේ ඉදිරිපත් කිරීමට නියමිත අයවැයෙන් ඇතිවන්නේ කුමන අර්බුදයක්ද යන්න බලාගත හැකි බවත් ඔහු වැඩිදුරටත් පැවසීය.
