අද (12) සවස වැලිකන්ද ප්රදේශයේදී පොලීසියට තියුණු ආයුධයකින් පහරදීමට පැමිණි පුද්ගලයෙකු පොලිස් වෙඩි පහරින් ජීවිතක්ෂයට පත්ව ඇත.
පුද්ගලයින් තිදෙනෙකු සමඟ ධාවනය වූ යතුරුපැදියක් නැවැත්වීමට රථවාහන පොලීසිය විසින් නියෝග කර ඇතත් අදාළ යතුරුපැදිය අණ නොතකා ධාවනය කර ඇති අතර පසුව එම යතුරුපැදිකරු නිවසට ගොස් ඇත.
අනතුරුව පොලිස් නිලධාරීන් අදාළ පුද්ගලයාව ලුහුබැඳ නිවසට යෑමේදී එම පුද්ගලයා මන්නයකින් පොලිස් නිලධාරීන් පහර දීමට උත්සාහ කර ඇති අතර එම අවස්ථාවේදී පොලීසිය වෙඩි තැබීමක් සිදුකර ඇත.
වෙඩි වැදීමෙන් එම පුද්ගලයාගේ පාදයට සහ පපුවට තුවාල සිදුව ඇති අතර පසුව රෝහල්ගත කිරීමෙන් අනතුරුව ඔහු ජීවිතක්ෂයට පත්ව ඇතැයි පොලීසිය සඳහන් කරයි.
මෙම පුද්ගලයා මත්ද්රව්ය චෝදනා 7ක් සම්බන්ධයෙන් වරදකරුවෙකු වී ඇති අතර මේ වනවිට තවත් අපරාධ චෝදනා දෙකක් සම්බන්ධයෙන් නඩු විභාග වෙමින් පවතින බවද පොලීසිය සඳහන් කරයි.
