ඉදිරි පැය 24 සඳහා වලංගු වන පරිදි තද සුළං හා රළු මුහුදු ප්රදේශ සඳහා කාලගුණ විද්යා දෙපාර්තමේන්තුව විසින් රතු නිවේදනයක් නිතුක් කර ඇත.
ඒ අනුව, මාතර සිට හම්බන්තොට හරහා පොතුවිල් දක්වා වෙරළට ඔබ්බෙන් වන මුහුදු ප්රදේශවල සුළගේ වේගය විටින් විට පැ.කි.මී 60-70 දක්වා වැඩිවන අතර එම මුහුදු ප්රදේශ විටින් විට ඉතා රළු වන බව සඳහන් කරයි.
මඩකලපුව සිට කන්කසන්තුරය, පුත්තලම, ත්රිකුණාමලය, කොළඹ සහ ගාල්ල හරහා මාතර දක්වා වෙරළට ඔබ්බෙන් වන මුහුදු ප්රදේශවල සුළගේ වේගය විටින් විට පැ.කි.මී. 50-60 දක්වා වැඩි වන අතර එම මුහුදු ප්රදේශ විටින් විට රළු වන බව සඳහන් කරයි.
එනිසා මෙම මුහුදු ප්රදේශවල ධීවර සහ නාවික කටයුතුවල යෙදන ධීවර සහ නාවික ප්රජාව මේ පිළිබඳව අවධානයෙන් කටයුතු කරන ලෙසත් නැවත දැනුම්දෙන තුරු යාත්රා නොකරන ලෙසද දැනුම් දෙයි.
මේ සම්බන්ධයෙන් නිකුත් කරනු ලබන ඉදිරි නිවේදන පිළිබඳව, අවධානයෙන් පසු වන ලෙසද ධීවර හා නාවික ප්රජාවට කාලගුණ විද්යා දෙපාර්තමේන්තුව දැනුම් දෙයි.
