By unusuma.lk on
(LK time)අද (10) පෙරවරු 6.00ට පමණ තෙල්දෙණිය – කෙන්ගල්ල ප්රදේශයේදී දිරාගිය සියඹලා ගසක් පාසැල් ළමුන් ප්රවාහනය කරමින් තිබූ වෑන් රථයක් මතට කඩා වැටීමෙන් අනතුරක් සිදු වී ඇත.
පොලීසිය පැවසූවේ ඉන් සිසුන් තිදෙනෙකු වෑන් රථයේ රියදුරු සහ පාසල් ගුරුවරියන් දෙදෙනෙකු ද ඇතුළු හය දෙනෙකු තුවාල ලබා මහනුවර ජාතික රෝහලට ඇතුලත් කර ඇති බවයි.
එම දිරාගිය සියඹලා ගස අධිබලැති විදුලු රැහැන් පද්ධතියක් මතට කඩා වැටී විදුලි රැහැන්ද සමඟ වෑන් රථය මතට වැටී ඇති බව වාර්තා වේ.
අවස්ථා කිහිපයක දී මෙම දිරාගිය ගස අදාළ ස්ථානයෙන් ඉවත් කිරීම සම්බන්ධව බලධාරීන් දැනුවත් කර ඇති බවට ප්රදේශවාසීන් චෝදනා නගති.
සිද්ධිය සම්බන්ධයෙන් පොලීසිය වැඩිදුරට පරීක්ෂණ ක්රියාත්මක කරයි.