Attention (Sinhala)

ඊයේ (09) නාමයෝජනා අත්සන් තැබීමෙන් අනතුරුව මාධ්‍ය වෙත අදහස් දක්වමින් ජනතා විමුක්ති පෙරමුණේ ලේකම් ටිල්වින් සිල්වා මහතා පවසා සිටියේ මෙවර මහ මැතිවරණය සඳහා හොඳම කණ්ඩායම ජාතික ජන බලවේගය යටතේ තරඟ වදිනා බවයි.

එමෙන්ම එම කණ්ඩායම තුළ සිටින්නේ උගත් බුද්ධිමත් රට පිළිබඳ අවංක හැඟීමක් සහිත ස්වෙච්ඡාවෙන් වැඩ කිරීමට කැමති කණ්ඩායමක් බවද හෙතෙම පැවසීය.

මෙවර ජාතික ජන බලවේගයෙන් තරඟවදිනා අපේක්ෂකයින් සම්බන්ධයෙන් වැඩිදුරටත් අදහස් දැක්වූ ටිල්වින් සිල්වා,

ඊයේ (09) දින බොරැල්ල පොලිස් වසමේ බොරැල්ල රේමන්ඩ් මල් ශාලාව අසල ඇති මාර්ග සංඥාව අසල දී පොලිස් විශේෂ කාර්ය බලකා නිලධාරීන් විසින් සිදු කළ වැටලීමක දී රුපියල් කෝටි 06ක වටිනාකමක් සහිත නීතිවිරෝධී මත්කරල් 599,000ක් ප්‍ර‍වාහනය කරමින් සිටි පුද්ගලයකු අත්අඩංගුවට ගෙන තිබේ.

මෙම මත් කරල් තොගය වසර කිහිපයක ඉතිහාසය තුළ විශේෂ කාර්ය බලකාය විසින් අත්අඩංගුවට ගත් අතිවිශාල නීති විරෝධී මත්පෙති තොගය බව පැවසෙයි.

මෙම මත් කරල් තොගය පාසල් ලමුන් සහ තරුණ ප්‍රජාව ඉලක්ක කරගනිමින් අලෙවි කිරීමට කොළඹ ප්‍රදේශයට රැගෙන විත් ඇති බව වාර්තා වෙයි.

එහිදී අත්අඩංගුවට ගත් මත් කරල් තොගය රුපියල් කෝටි 06ක වෙළදපොල වටිනාකමකින් යුතු Pregab (ප්‍රෙගැබ්) නැමැති මත්කරල් තොගයක් බව වාර්තා වෙයි.

අත්අඩංගුවට ගත් මත් කරල් තොගය ප්‍රවාහනය කරමින් සිටි පුද්ගලයා වයස අවුරුදු 44 ක් වන මන්නාරම ප්‍රදේශයේ පදිංචිකාරයෙක් බව පොලීසිය පවසයි.

මූලික පොලිස් ප්‍රශ්නකිරීම්වලදී අත්අඩංගුවට පත් සැකකරු පවසා ඇත්තේ මන්නාරම ප්‍රදේශයේ පදිංචි සුජි නැමැති පුද්ගලයා විසින් බෝට්ටුවකින් පැමිණ සිලාවතුර පාලම අසලදි මෙම මත්කරල් තොගය ලබාදුන් බවත්, එම තොගය කොළඹ ප්‍රදේශයට රැගෙන එන ලෙසට තමාට උපදෙස් ලබාදුන් බවත් ය..

මහනුවර දිස්ත්‍රික්කයෙන් මහ මැතිවරණයට තරඟ කිරීම සඳහා හිටපු පාර්ලිමේන්තු මන්ත්‍රී සුජීව සේනසිංහ මහතා ජාතික ලැයිස්තුවට ඇතුළත් කිරීමට පක්ෂ නායකත්වය කටයුතු කර තිබේ.

ඒ සමගි ජනබලවේගයේ මහනුවර දිස්ත්‍රික් අපේක්ෂකයින් අතර ඇති වූ දැඩි නොසන්සුන්තාවක් සැළකිල්ලට ගනිමිනි.

සුජීව සේනසිංහ සමගි ජන සංවිධානයේ මහනුවර දිස්ත්‍රික් නායකයා වශයෙන් නම් කර තිබුනද එය එම පක්ෂයේ තිස්ස අත්තනායක මහතාගේ නායකත්වය යටතේ මහනුවර දිස්ත්‍රික්කයේ මැතිවරණ ව්‍යාපාරය මෙහෙයවීමට තීරණය කර ඇත.

කෙසේවෙතත් සූජීව සේනසිංහ මහතා මහනුවරට අවශ්‍යය බව පවසමින් සමගි ජන බලවේගයේ මහනුවර දිස්ත්‍රික් ආසන සංවිධායකවරුන් සහ භික්ෂූන් වහන්සේ පිරිසක් යොදාගනිමින් උද්ඝෝෂණයක් පැවැත්වීමටද සැළසුම් කර තිබූ බව ආරංචිමාර්ග පවසයි.

එක්සත් ජනපද පැසිෆික් බළඇණියේ අණදෙන නිලධාරි අද්මිරාල් ස්ටීව් කේලර් මහතා සංචාරයක් සඳහා අද (10) ශ්‍රී ලංකාවට පැමිණීමට නියමිත බව වාර්තා වෙයි.

ඒ ශ්‍රී ලංකා – එක්සත් ජනපද ද්විපාර්ශ්වික ආරක්ෂක සහයෝගිතාව තවදුරටත් ශක්තිමත් කිරීමේ අරමුණින්.

එක්සත් ජනපද නාවික හමුදාවේ තරු 4 අද්මිරාල්වරයකු සහ එක්සත් ජනපද පැසිෆික් බළඇණියේ අණදෙන නිලධාරිවරයෙකු වන වන අද්මිරාල් ස්ටීව් කේලර් මහතා 2021 න් පසු ශ්‍රී ලංකාවට පැමිණෙන ඉහළම මට්ටමේ හමුදා නිළධාරියාද වෙයි.

මෙම සංචාරයේ අද්මිරාල් කේලර් මහතා ශ්‍රී ලංකාවේ ජ්‍යෙෂ්ඨ නිලධාරීන් සමඟ ඉන්දීය සාගර කලාපයේ වර්ධනය වන ආරක්ෂක අභියෝග පිළිබඳව සාකච්ඡා කිරීම, සමුද්‍රීය වසම් පිළිබඳ දැනුම්වත් වීම, ආපදා ප්‍රතිචාර දැක්වීම පිළිබඳ සහයෝගිතාව ශක්තිමත් කිරීම සහ අන්තර්ජාතික තර්ජනවලට එරෙහිව ශ්‍රී ලංකාවට සහාය දැක්වීම සඳහා වන එක්සත් ජනපදයේ ඇති කැපවීම නැවත තහවුරු කිරීමට මෙන්ම එක්සත් ජනපද සහ ශ්‍රී ලංකා හමුදාවන් අතර සහයෝගිතාව වර්ධනය කිරීම පිළිබඳව ද සාකච්ඡා පැවැත්වීමට නියමිත බව වාර්තා වෙයි.

පසුගිය රජය සමයේ විදේශ රටවල පිහිටි ශ්‍රී ලංකාවේ විදේශ තානාපති කාර්යාලවලට අත්තනෝමතික ලෙස පත්කළ දේශපාලනඥයන්ගේ දූ දරුවන් ඇතුළු පවුලේ සාමාජිකයන්ගේ සමීප ඥාතීන්ගේ සහ මිත්‍රයන්ගේ නාම ලේඛනය ඉදිරි දිනවලදී ප්‍රසිද්ධියට පත් කිරීමට නියමිත බව වාර්තා වෙයි.

විදේශ අමාත්‍ය විජිත හේරත් මහතා විසින් එම දේශපාලන පත්කිරීම්වරට අදාළ වාර්තාවක් සකස්කරනා ලෙස විදේශ අමාත්‍යාංශයට දැනුම්දී තිබූ අතර මේ වනවිට එම වාර්තාව පිළියෙල කර අවසන් බව වාර්තා වෙයි.

එම වාර්තාව ඉදිරි සතිය තුළ ජනමාධ්‍ය වෙත නිකුත් කිරීමට නියමිත බවද පැවසේ.

එම අනාවරණය කිරීමෙන් පසු එලෙස අත්තනෝමතික ලෙස පත් කළ සුදුසුකම් රහිත දේශපාලනඥයන්ගේ සමීපතමයන් ශ්‍රී ලංකාවට කැඳවීමට ද නියමිතයි.

ශ්‍රී ලංකා පොදුජන පෙරමුණේ ප්‍රකාශකයෙකු පැවසූවේ එළඹෙන මහමැතිවරණයේදී හිටපු ජනාධිපති මහින්ද රාජපක්ෂ මහතා, හිටපු අමාත්‍ය චමල් රාජපක්ෂ මහතා සහ හිටපු අමාත්‍ය බැසිල් රාජපක්ෂ මහතාද මහමැතිවරණයට තරඟ නොකරන බවයි.

එමෙන්ම පසුගිය ජනාධිපතිවරණයේදී ශ්‍රී ලංකා පොදුජන පෙරමුණේ ජනාධිපති අපේක්ෂකයා ලෙස ඉදිරිපත් නාමල් රාජපක්ෂ මහතාද මහමැතිවරණයේ අපේක්ෂකයෙකු නොවන අතර ඔහුගේ නම ජාතික ලැයිස්තුවට ඇතුළත් කර ැති බව වාර්තා වෙයි.

එමෙන්ම ශ්‍රී ලංකා පොදුජන පෙරමුණේ මහලේකම් සාගර කාරියවසම් මහතාගේ නමද ජාතික ලැයිස්තුවට ඇතුලත් කර ඇති බව සඳහන්. 

කෙසේවෙතත් හිටපු ජනාධිපති ගෝඨාභය රාජපක්ෂ මහතා පවසා ඇත්තේ තමා ශ්‍රී ලංකා පොදුජන පෙරමුණේ ජයග්‍රහණය වෙනුවෙන් සහයෝගය ලබා දෙන බවයි.

නමුත් හිටපු මන්ත්‍රීවරුන් වන ශෂීන්ද්‍ර රාජපක්ෂ මහතා සහ නිපුන රණවක මහතා මොණරාගලින් සහ මාතරින්ද ශ්‍රී ලංකා පොදුජන පෙරමුණ නියෝජනය කරමින් තරඟ වැදීමට නියමිත බව වාර්තා වෙයි.

මේ අතර මව්බිම ජනතා පක්ෂයේ ප්‍රකාශකයෙකු පැවසුවේ හිටපු අමාත්‍යවරයෙකු වන විමල් වීරවංශ මහතාද මෙවර මහමැතිවරණයට තරඟ නොකරන බවයි.