එක්සත් ජාතීන්ගේ ලෝක ආහාර වැඩසටහන හරහා රුසියාවෙන් ශ්‍රී ලංකාවට ඇමෙරිකානු ඩොලර් මිලියන 1.5ක් වටිනා සූරියකාන්ත තෙල් පරිත්‍යාගයක් සිදුකර ඇති අතර එය නිල වශයෙන් ශ්‍රී ලංකා රජය වෙත භාරදීම කොළඹ ලෝක ආහාර වැඩසටහන් සහයෝගීතා පාර්ශව ලේකම් කාර්යාල පරිශ්‍රයේදී සිදු කළේය.
පසුගිය 2023 දෙසැම්බර් මස (30) දින සූරියකාන්ත තෙල් මෙට්‍රික් ටොන් 117.3ක් සහ 2024 ජනවාරි (04) දින තෙල් මෙට්‍රික් ටොන් 13.1ක් රුසියානු රජයෙන් මෙරටට ලබාදී ඇති අතර එම සමස්ත පරිත්‍යාගය තෙල් මෙට්‍රික් ටොන් 130.41ක් නිල වශයෙන් ශ්‍රී ලංකා රජය වෙත භාරදීම සිදු විය.
මෙම වැඩසටහනේ පළමු අදියර ලෙස 2023 ජූලි (04) දින සූරියකාන්ත තෙල් මෙට්‍රික් ටොන් 351.9ක ප්‍රමාණයක් ලබාදී ඇති අතර දිවයින පුරා සිටින අඩු ආදායම්ලාභී සහ අවදානමට ලක් විය හැකි පවුල් වෙත මෙම පරිත්‍යාගය සෘජුවම යොමු කිරීමට නියමිතව ඇත.
