විවාදය

ජාතික ජන බලවේගය විසින් සංවිධානය කළ ත්‍රී රෝද රථ හිමිකරුවන්ගේ බදුලු සමුලුව ජුනි 08 බදුල්ල රිවර් සයිඩ් උත්සව ශාලාවේදී පවත්වන ලදී.

මේ අවස්ථාවට ඌව වෙල්ලස්ස විශ්වවිද්‍යාලයේ කළමනාකරණ පීඨයේ පීඨාධිපති මාහාචාර්ය රුවන් රණසිංහ, ජාතික ජන බලවේගයේ බදුල්ල දිස්ත්‍රික් විධායක සභිකයින් වන නීතිඥ ආරියපාල හේවගේ, නන්ද හපුගොඩ, ප්‍රියන්ත වරුෂමාන සහ ප්‍රදේශයේ ත්‍රී රෝද හිමිකරුවන් විශාල ප්‍රමාණයක් එක් විය.

එහිදී උත්සව අවස්ථාව අමතමින්, ජාතික ජන බලවේගයේ බදුල්ල දිස්ත්‍රික් හිටපු පාර්ලිමේන්තු මන්ත්‍රී සමන්ත විද්‍යාරත්න පවසා සිටියේ විපක්ෂ නායක සජිත් ප්‍රේමදාස වෙත විවාදයක් සඳහා මුලින්ම ආරාධනා කළේ අනුර දිසානායක 2023 වසරේ බවයි.

නමුත් විපක්ෂ නායකවරයා කිසි විටෙකත් විවාදයකට සහභාගී නොවූ බවත් සජිත් ප්‍රේමදාස මහතාට එවැනි ඉතිහාසයක් නොමැති බවත් ඔහු පැවසීය.

ඉතිහාසය පුරා සජිත් ප්‍රේමදාස මහතා සිදුකර ඇත්තේ රූපවාහිනී වැඩසටහන් සඳහා සහභාගී වී නිවේදකයා සමඟ සාකච්ඡාවන් පැවැත්වීම පමණක් බවද ඔහු පැවසීය.

ඔහු කියා සිටියේ විවාදය සඳහා ලැබුනු ආරධනාව මත තම පක්ෂ නායකයා ස්වාධීන රූපවාහිනිය වෙත සහභාගී වූ බවත් සජිත් ප්‍රේමදාස මහතාද පමිණෙන බවට ලිපියකින් දන්වා නොපැමිණ මගහැරි බවත්ය.

එහිදී ඔහු විපක්ෂ නායක වරයා අනුකරණය කරමින් කියා සිටියේ,

“ඔය ළමයා විවාද එහෙම කරළා තියෙනවද, විවාද කරන හැටි දන්නවද, මමනම් දන්නවා, අපේ කණ්ඩායම විවාද කරලා තියෙනවා, මම විවාද කරනහැටි කියන්නද, කයිතෝනායක පුතානෝස්කා විවාදේස්කා බැරිගාතෝ..ඇඳයට සැඟවෙය් නම්දෙස්කා..තැන තැන නම්දොඩවාස්..මම ජාතා.. මම උගතා..ඇඳයට කුදගායී..”

හිටපු මන්ත්‍රීවරයා වැඩිදුරටත් කියාසිටියේ මෙරට කිසිදු රාජ්‍යය හෝ පුද්ගලික මාධ්‍ය ආයතනයක් ස්වාධීන නොවනා බවත් සෑම ආයතනයකම දේශපාලන අරමුණක් පවතින බවත්‍න්‍ය.

ජාතික ජන බලවේගයේ නායක අනුර කුමාර දිසානායක පසුගියදා රාජ්‍ය රූපවාහිනී ආයතනයක ඒකපාර්ශ්වික සංවාදයකට සහභාගි වූ අතර එය විපක්ෂ නායක සජිත් ප්‍රේමදාස සමග පෙර සූදානම් කරන ලද ආකාරයේ ඇඟවෙන ව්‍යාජ ලිපියක් සම්බන්ධයෙන් සමගි ජන බලවේගය නීතිඥ කණ්ඩායම් අද (10) අපරාධ පරීක්ෂණ දෙපාර්තමේන්තුව වෙත පැමිණිල්ලක් ඉදිරිපත් කළේය.

විපක්ෂ නායකවරයාගේ අත්සන සහ ලිපි ශීර්ෂය ව්‍යාජව සකස් කර එම විවාදයට විපක්ෂ නායකවරයා සහභාගි වීමට නියමිතව සිටි බව ලිපියෙන් අඟවා ඇති බව පැවසේ.

මීට පෙර අවස්ථාවකදී විපක්ෂ නායකවරයා ජාතික ජන බලවේගය සමග විවාදය ප්‍රතික්ෂේප කළ බව ඇඟවෙන ආකාරයේ තවත් ලිපියක් සම්බන්ධයෙන්ද එම පැමිණිල්ලේ කරුණු දක්වා ඇත.

ව්‍යාජ ලිපි දෙක පිළිබඳව වහාම විමර්ශනයක් කරන්නැයි ඉල්ලමින් සමගි ජන බලවේගයේ නීතිඥ සංගමයෙන් අපරාධ පරීක්ෂණ දෙපාර්තමේන්තුව හමුවේ පැමිණිලි ගොනු කළේය.

එම සංගමය නියෝජනය කරමින් සමගි ජන බලවේගයේ නියෝජ්‍ය නීති ලේකම් බුද්වින් සිරිවර්ධන එම පැමිණිල්ල ඉදිරිපත් කළේය.

ඔහු කියාසිටියේ සජිත් ප්‍රේමදාස වෙත සාධාරණය ඉටුවේ යැයි බලාපොරොත්තුවෙන් මෙම පැමිණිල්ල සිදු කළ බවයි.

සමගි ජන බලවේග නායක විපක්ෂ නායක සජිත් ප්‍රේමදාස සඳහන් කලේ, ජාතික ජන බලවේගයට ආර්ථික වැඩපිළිවෙළක් හෝ ඒ සම්බන්ධයෙන් ප්‍රමාණවත් දැනුම ඇති කණ්ඩායමක් නොමැතිනම් ඒ සඳහා උපකාරක පන්ති හෝ පවත්වා උපකාර කිරීමට තමන් සූදානම් බවයි.

වීරකැටිය ප්‍රදේශයේ පැවති සක්වල වැඩසටහනක් අමතමින් ඔහු මෙම අදහස් පළ කරන ලදී.

විපක්ෂ නායක වරයා වැඩිදුරටත් කියාසිටියේ ජන බලවේගය සතුව දැනුම ඇති ආර්ථික කණ්ඩායමක් නොමැති හෙයින් විවාදය මඟහැරීමට කටයුතු කළ බවයි.

ජාතික ජන බලවේගයේ විවාද සම්බන්ධීකාරක හිටපු පාර්ලිමේන්තු මන්ත්‍රී නලින්ද ජයතිස්ස පැවසුවේ තම පක්ෂය සූදානම් සමගි ජන බලවේගය සහ ජාතික ජනතා බලවේගයේ නායකයින් අතර විවාදයකට පමණක් බවයි.

ඔහු මේ බව සඳහන් කළේ ඊයේ (27) ආර්ථික කමිටු අතර විවාදය සඳහා දිනයක් ලබාදෙන ලෙස සමගි ජනබලවිගය විවාද සම්බන්ධීකාරක පාර්ලිමේන්තු මන්ත්‍රී නලින් බණ්ඩාර විසින් ජාතික ජන බලවේගයට යොමුකළ ලිපියට පිළිතුරු ලබාදෙමින්.

ආර්ථික කමිටු විවාදය ගැන කිසිදු සඳහනක් නොකර ජාතික ජන බලවේගය ආර්ථික කමිටුවේ සහ නායකත්ව විවාද දෙකම නොපවත්වා අවධානය වෙනතකට යොමු කිරීමට සැලසුම් කර ඇති බව පෙනී යන බවද නලීන් බණ්ඩාර මෙම ලිපියෙන් වැඩිදුරටත් සඳහන් කර තිබුනි.

මේ සම්බන්ධයෙන් අද ප්‍රතිචාර දක්වමින් ජාතික ජන බලවේගයේ ජාතික විධායක සභික, හිටපු පාර්ලිමේන්තු මන්ත්‍රී නාලන්ද ජයතිස්ස කියා සිටියේ තම පක්ෂය සූදානම් නායකයින් අතර සාකච්ඡාවකට පමණක් බවයි.

අද (22) මාධ්‍ය වෙත අදහස් දක්වමින් මව්බිම ජනතා පක්පක්ෂයේ නායක සහ ව්‍යාපාරික දිලිත් ජයවීර කියා සිටියේ, 6 වැනිදා යෝජිත විවාදය සඳහා සජිත් ප්‍රේමදාසට කරදර නොකරනා ලෙසත් එතුමා අහිංසකයෙක් බවත්ය.

එමෙන්ම ඉහු වැඩිදුරටත් කියා සිටියේ අනුර කුමාර දිසානායක සමඟ තමාට සාකච්ඡාවක් අවශ්‍ය බවත් සජිත් නොඑනා විවාදයට දිලිත් ජයවීර සහභාගී වීමට කැමති බවත්ය.

තමා අනුර කුමාර දිසානායකගෙන් කිසිදු අමාරු ප්‍රශ්නයක් නොඅසනා බවත් නමුත් ඔහුට තමාගෙන් නයා ගැන, පැණිය ගැන සහ ඇන්ටිජන් ගැන කොන්දේසි විරහිතව ඕනෑම ප්‍රශ්නයක් ඇසිය හැකි බවත් දිලිත් ජයවීර පැවසීය.

ජාතික ජන බලවේගය විධායක සභික හිටපු පාර්ලිමේන්තු මන්ත්‍රී වෛද්‍ය නලින්ද ජයතිස්ස පැවසූවේ ලබන මස 6 වෙනිදා යෝජිත විවාදය  පැවැත්වීම සඳහා තම පක්ෂ නායක අනුර කුමාර දිසානායක කැමැත්ත පළකරමින් විපක්ෂ නායක සජිත් පේමදාස වෙත දිනය ස්ථිර කර දැන්වූවද මේ වනතෙක් කිසිදු ප්‍රතිචාරයක් ලැබී නැති බවයි.

මෙරට පුවත්පතකට පිළිතුරු දෙමින් නලින්ද ජයතිස්ස මහතා මේ බව ප්‍රකාශ කර තිබුනි.

නලින්ද ජයතිස්ස මහතා එහිදී වැඩිදුරටත් සඳහන්කර තිබුනේ, විවාදය සඳහා අපි යෝජනා කළ දිනවලට විපක්ෂ නායකවරයා එකඟ නොවූවත් ස.ජ.බ ලබාදුන් දින සඳහා ජාතික ජන බලවේගය සූදානම් බවයි.

අවසාන වශයෙන් ජයතිස්ස මහතා කියා සිටියේ, එම ලබාදුන් දින ජාතික ජන බලවේගය විසින් බාෆ නොගනී යන උපකල්පනය මත එම ශින ලබාදෙන්නට ඇති බවයි.