රාජ්ය බුද්ධි සේවයේ හිටපු අධ්යක්ෂ, විශ්රාමික මේජර් ජෙනරාල් සුරේෂ් සලේගේ බිරිඳ වන මනෝරි සලේ විසින් පොලිස්පතිවරයා වෙත ලිපියක් යොමු කර ඇත.
සුරේෂ් සලේට අපරාධ පරීක්ෂණ දෙපාර්තමේන්තුව තුළදී අමානුෂික ලෙස සලකා ඇති බවට එල්ල වන චෝදනා සම්බන්ධයෙන් වහා ස්වාධීන පරීක්ෂණයක් පවත්වන ලෙස ඉල්ලමින් එම ලිපිය යොමුකර ඇත.
සිය සැමියාට වධහිංසා පැමිණවීම, කුරිරු සහ අමානුෂික ලෙස සැලකීම, නිල බලය අභිභවා කටයුතු කිරීම, වෛද්ය ප්රතිකාර ප්රතික්ෂේප කිරීම ඇතුළු සිදුකර ඇති බව කියන වැරදි සම්බන්ධයෙන් වහාම විමර්ශනයක් පවත්වන ලෙසද එම ලිපියෙන් ඉල්ලා ඇත.
පවතින තත්ත්වය හමුවේ ඔහුගේ ජීවිත ආරක්ෂාව, සෞඛ්යය සහ මූලික අයිතිවාසිකම් පිළිබඳ බරපතළ ගැටලුවක් මතුව ඇති බවත් සෞඛ්ය තත්ත්වය පිළිබඳව දැඩි අවධානයක් යොමු කරමින් වහාම මැදිහත් වන ලෙස පොලිස්පතිවරයාගෙන් ඉල්ලා ඇත.
සිය පුත්රයා සහ ඔහුගේ සහෝදරයා හමුවූ අවස්ථාවේදී සුරේෂ් සලේ ලබාදුන් තොරතුරු පදනම් කරගනිමින් කරුණු 10ක් මෙම ලිපිය මඟින් පොලිස්පතිවරයා වෙත පෙන්වා දී ඇත.
