විවාද

ජාතික ජන බලවේගයේ නායක අනුර කුමාර දිසානායක පසුගියදා රාජ්‍ය රූපවාහිනී ආයතනයක ඒකපාර්ශ්වික සංවාදයකට සහභාගි වූ අතර එය විපක්ෂ නායක සජිත් ප්‍රේමදාස සමග පෙර සූදානම් කරන ලද ආකාරයේ ඇඟවෙන ව්‍යාජ ලිපියක් සම්බන්ධයෙන් සමගි ජන බලවේගය නීතිඥ කණ්ඩායම් අද (10) අපරාධ පරීක්ෂණ දෙපාර්තමේන්තුව වෙත පැමිණිල්ලක් ඉදිරිපත් කළේය.

විපක්ෂ නායකවරයාගේ අත්සන සහ ලිපි ශීර්ෂය ව්‍යාජව සකස් කර එම විවාදයට විපක්ෂ නායකවරයා සහභාගි වීමට නියමිතව සිටි බව ලිපියෙන් අඟවා ඇති බව පැවසේ.

මීට පෙර අවස්ථාවකදී විපක්ෂ නායකවරයා ජාතික ජන බලවේගය සමග විවාදය ප්‍රතික්ෂේප කළ බව ඇඟවෙන ආකාරයේ තවත් ලිපියක් සම්බන්ධයෙන්ද එම පැමිණිල්ලේ කරුණු දක්වා ඇත.

ව්‍යාජ ලිපි දෙක පිළිබඳව වහාම විමර්ශනයක් කරන්නැයි ඉල්ලමින් සමගි ජන බලවේගයේ නීතිඥ සංගමයෙන් අපරාධ පරීක්ෂණ දෙපාර්තමේන්තුව හමුවේ පැමිණිලි ගොනු කළේය.

එම සංගමය නියෝජනය කරමින් සමගි ජන බලවේගයේ නියෝජ්‍ය නීති ලේකම් බුද්වින් සිරිවර්ධන එම පැමිණිල්ල ඉදිරිපත් කළේය.

ඔහු කියාසිටියේ සජිත් ප්‍රේමදාස වෙත සාධාරණය ඉටුවේ යැයි බලාපොරොත්තුවෙන් මෙම පැමිණිල්ල සිදු කළ බවයි.

අද (22) මාධ්‍ය වෙත අදහස් දක්වමින් මව්බිම ජනතා පක්පක්ෂයේ නායක සහ ව්‍යාපාරික දිලිත් ජයවීර කියා සිටියේ, 6 වැනිදා යෝජිත විවාදය සඳහා සජිත් ප්‍රේමදාසට කරදර නොකරනා ලෙසත් එතුමා අහිංසකයෙක් බවත්ය.

එමෙන්ම ඉහු වැඩිදුරටත් කියා සිටියේ අනුර කුමාර දිසානායක සමඟ තමාට සාකච්ඡාවක් අවශ්‍ය බවත් සජිත් නොඑනා විවාදයට දිලිත් ජයවීර සහභාගී වීමට කැමති බවත්ය.

තමා අනුර කුමාර දිසානායකගෙන් කිසිදු අමාරු ප්‍රශ්නයක් නොඅසනා බවත් නමුත් ඔහුට තමාගෙන් නයා ගැන, පැණිය ගැන සහ ඇන්ටිජන් ගැන කොන්දේසි විරහිතව ඕනෑම ප්‍රශ්නයක් ඇසිය හැකි බවත් දිලිත් ජයවීර පැවසීය.

සමගි ජන බලවේග පාර්ලිමේන්තු මන්ත්‍රී හර්ෂ ද සිල්වා මහතා සඳහන් කර සිටියේ ස.ජ.බ සහ ජා.ජ.බ පක්ෂ දෙකේ ආර්ථික කමිටු අතර විවාදයක් සඳහා කරන ලද ආරාධනාව ජාතික ජන බලවේගය විසින් මග හරිමින් සිටින බවක් පෙනෙන්නට ඇති බවයි.

ඔහු කියාසිටියේ මහජනතාවට කණ්ඩායම් දෙකේ ආර්ථික වැඩපිළිවෙළ සම්බන්ධයෙන් දැන ගැනීමට අවස්ථාව ලබා දිය යුතු නමුත් ජාතික ජන බලවේගය ඒ සඳහා එතරම් උනන්දුවක් නොමැති බවත් ඔවුන්ට ආර්ථිකය සම්බන්ධයෙන් නිශ්චිත වැඩපිළිවෙළක් ඇතිදැයි සැකයක් පවතින බවත්ය.

එමෙන්ම මන්ත්‍රීවරයා කියාසිටියේ, සමගි ජන බලවේගයේ ප්‍රතිපත්ති ප්‍රකාශනය මේ වන විටත් එළි දක්වා ඇති නමුත් ජාතික ජන බලවේග ප්‍රතිපත්තිය කුමක්දැයි පැහැදිලිතතාවයක් මෙතෙක් කිසිවෙකුත් නොදන්නා බවත් එම පක්ෂයේ විවිධ පුද්ගලයන් නොයෙකුත් ආකාරයේ පල කරමින් සිටින නමුත් එක නිශ්චිත වැඩපිළිවෙළක් හෝ ස්ථාවරයක් ඔවුන් මෙතෙක් එළි දක්වා නැති බවත්ය.

කෙසේ වෙතත් මෙම ආර්ථික කමිටු විවාදය සඳහා සහභාගී වන ලෙස ඔහු තවදුරටත් ජාතික ජන බලවේගයට ආරාධනා කරන සිටින බවත් හෙතෙම තවදුරටත් පැවසීය.

ජාතික ජන බලවේගය නියෝජනය කරමින් හිටපු පාර්ලිමේන්තු මන්ත්‍රී නලින්ද ජයතිස්ස කියාසිටින්නේ සමගි ජනබලවේගයට මීට පෙර දැනුම්දී තිබූ ආකාරයටම 20වැනිදාගෙන් පසුව එම විවාදය පැවැත්වීමට තම පක්ෂය එකඟ නොමැති බවයි.

හිටපු මන්ත්‍රීවරයා වැඩිදුරටත් කියා සිටියේ තමා වෙත එම ස්ථිර කිරීමේ ලිපිය ලැබී තිබුනේ ඊයේ (19) පස්වරුවේ බවත්, 20 වැනිදාට පෙර විවාදය පැවැත්වීම මූලික කොන්දේසියක් වන බවත් එම කොන්දේසිය කඩවීම මත 20 වැනිදාගෙන් පසුව විවාදය නොපැවැත්වෙන බවත් ය.

නමුත් සමගි ජනබලවේගය විසින් ජාතික ජනබලවේගයට යොමු කළ ලිපියේ දිනය සඳහන්ව තිබුනෙ 17 වෙනිදා ලෙස යි. එය නලින්ද ජයතිස්ස වෙත ලැබීමට දින දෙකකටත් අධික කාලයක් වැයවී ඇති බව පෙනී යයි.

එමෙන්ම ජාතික ජන බලවේගය පවසන්නේ සමඟි ජනබලවේගය විසින් විවාදය සඳහා 20 වැනිදායින් පසු දින හතරක් ලබාදී ඇති අතර , ඉන් පළමුව දින ලබාදී ඇත්තේ ආර්ථික කමිටු විවාදයට බැවින් ඒ සඳහා ද ජාතික ජනබලවේගය එකඟ නොවන බවයි

ජාතික ජන බලවේගය විසින් ඉදිරිපත් කර තිබූ මුල් ලිපියේ සඳහන් කළ මූලික කාරණා 2ක් කඩවීම මත විවාදයෙන් ඉවත් වීමට ජාතික ජන බලවේගය තීරණය කල බව නලීන් ජයතිස්ස වැඩිදුරටත් කියා සිටියේය.

අද (9) පාර්ලිමේන්තුව අමතමින් ජනාධිපති රනිල් වික්‍රමසිංහ විසින් සිදුකළ විශේෂ ප්‍රකාශයක් අවසානයේ ඊට විරෝධතා මතු කරමින් විපක්ෂ නායක සජිත් ප්‍රේමදාස මහතා ප්‍රශ්න නැගූ අවස්තාවේදී ඊට ප්‍රතිචාර දක්වමින් වත්මන් ජනපති වරයා විමසා සිටියේ ඔහු තමන්ට හැකි අයුරින් වැඩේ කරන ලද බවත් අප්‍රේල් 19 වෙනිදා අගමැතිකම බාරගත්තා නම් මේ කිසිවක් සිදු නොවනු බවත් ය.

වැඩිදුරටත් අදහස් දක්වමින් ඔහු කියා සිටියේ “මේ කතාව ගැන විවාදයක් කරන්න පුළුවන් නම් හොඳයි, මම සජිත් ප්‍රේමදාස මැතිතුමාට කියනවා මේ සියල්ලටම එතුමා වග කියන්න ඕන. මොකද මම වැඩේ කළේ මට පුළුවන් විදියට .අප්‍රේල් 19 වෙනිදා ඔබතුමා අගමැතිකම බාර ගත්තා නම් ඔය කියන එකක් වත් වෙන්නේ නෑ නේ” යනුවෙනි.