මිනී මැරුම්

චාකකච්චේරිය ප්‍රදේශයේ වෙළඳ සැළක සේවය කළ කාන්තාවක් සිය අනියම් සැමියා විසින් කනත්තක් වෙත රැගෙන ගොස් ගිනි තබා ඝාතනය කළ ඖවතක් වාර්තා වේ.

සැකකරු විසින් තම මවගේ සොහොනට පහනක් දැල්වීම සඳහා බව කියා මෙම කාන්තාව කනත්තට කැඳවාගෙන ගොස් එහිදී ඇයට පහරදී මවගේ සොහොන මත හිඳුවා සිරුරට පෙට්‍රල් වක්කර ගිනි තබා තිබෙන ඇති බව යාපනය පොලීසිය ඔඅවසයි.

ඝාතනය සිදුකය සැකකාර අනියම් සැමියා මේ වනවිට පොලීසිය විසින් අත්අඩංගුවට ගෙන ඇති බව වාර්තා වේ.

ඝාතනය වූ තැනැත්තිය සමඟ එම සැකකරු වසර 8ක් පමණ අනියම් සබඳතාව පවත්වාගෙන ගොස් ඇති අතර එම කාලසීමාව තුළ සැකකරු වෙනත් කාන්තාවක්ද විවාහ කරගෙන ඇති බව වාර්තා වේ.

දෙදෙනා අතර සිදුවූ බහින් බස් වීමක ප්‍රතිඵලයක් ලෙස මෙම ඝාතනය සිදුකර අති බවට මූලික පොලිස් පරීක්ෂණ වලින් අනාවරණය වී ඇත.

අද (29) උදෑසන පාදුක්ක, වටරක ප්‍රදේශයේ නිවසක් තුළදී තියුණු ආයුධයකින් පහරදී කාන්තාවක් ඝාතනය කර තිබෙනවා.

මියගිය තැනැත්තිය කිසියම් කටයුත්තක් සඳහා නිවසේ ඉදිරිපස කාමරයට ගිය අවස්ථාවේදී සැඟවී සිටි අයෙකු ඇයට තියුණු ආයුධයකින් පහරදී පලාගොස් ඇති බව පොලීසිය පවසයි.

තියුණු ආයුධ ප්‍රහාරයෙන් බරපතළ තුවාල ලැබූ කාන්තාව පාදුක්ක දිසා රෝහලට ඇතුළත් කිරීමෙන් පසු තත්වය බරපතල වීම හේතුවෙන් වැඩිදුර ප්‍රතිකාර සඳහා හෝමාගම මූලික රෝහලට මාරුකර යවා ඇති අතර එහිදී ඇය මියගොස් තිබේ.

පාදුක්ක, වටරක ප්‍රදේශයේ පදිංචි 65 හැවිරිදි එක්දරු මවක් මෙලෙස ඝාතනය වී ඇත.

ඝාතනය සිදුකළ සැකකරු මෙතෙක් අත්අඩංගුවට ගෙන නොමැති අතර සිද්ධිය සම්බන්ධයෙන් මී ගොඩ පොලිසිය වැඩිදුර විමර්ශන සිදුකරයි.

මීරිගම විජය රජදහන සහ මීරිගම දුම්රිය ස්ථාන අතර තිලිණගම දුම්රිය මාර්ගය අසළ තිබී හිසට බරපතල හානි වූ තරුණයෙකුගේ මළ සිරුරක් අද (27) සොයාගත් බව මීරිගම පොලිසිය පවසයි.

මියගිය තැනැත්තා ක්‍රීඩා අමාත්‍යාංශයේ කාර්යාල කාර්ය සහායකයකු ලෙස සේවය කළ මීරිගම , විල්වත්ත බෝගහහේන පාරේ පදිංචිව සිටි චන්දිම ලක්මාල් පෙරේරා නමැති 28 හැවිරිදි අවිවාහක තරුණයෙකි.

පොලිසිය පැවසුවේ මියගිය තරුණයා ඊයේ (26) පස්වරුවේ පුණ්‍ය කටයුත්තකට සහභාගි වී ඇති බවත්, පස්වරුවේ සිට ඔහු සම්බන්ධයෙන් කිසිඳු තොරතුරක් නොලැබුණු බව මියගිය තරුණයාගේ පියා ප්‍රකාශ කළ බවයි.

මියගිය පුද්ගලයා කොට කලිසමක් සහ ටී ෂර්ට් එකකින් සැරසී සිට ඇති අතර. රාත්‍රී කාළයේ ඔහු ගිය ස්ථානයක් පිළිබඳව තොරතුරක් ලැබී නොමැති බව පොලිසිය පවසයි.

මියගිය තරුණයාගේ සිරුර ඔහුගේ නිවසට කිලෝමීටර් තුනක් පමණ දුරින් තිබී හමුවී ඇත.

අරක්කු වීදුරුවකට විෂ රසායනික ද්‍රව්‍යක් දමා සැමියා ඝාතනය කිරීම සම්බන්ධයෙන් සැකපිට මියගිය තැනැත්තාගේ බිරිඳ සහ ඇගේ සොහොයුරා බෙලිඅත්ත පොලිසිය විසින් අත්අඩංගුවට ගෙන ඇත.

සැමියා ඝාතනය කිරීමේ අරමුණින් සැමියා මත්පැන් පානය කරමින් සිටි වීදුරුවට විෂ රසායනික ද්‍රව්‍යක් දමනා ලෙස බිරිඳ තම සහෝදරයාගෙන් ඉල්ලා ඇති බව පොලිසිය කියයි.

වස මිශ්‍ර මත්පැන් වීදුරුව පානය කිරීමෙන් පසු ඇයගේ සැමියා එම ස්ථානයේදීම ඇදවැටී ඇති අතර පසුව රෝහලට ඇතුළත් කර ඇත්තේ හෘදයාබාධයකින් මිය ගිය බව පවසමිනි.

මියගිය පුද්ගලයාගේ දේහය පශ්චාත් මරණ පරීක්ෂණය සඳහා යොමු කර ඇති අතර එහිදී හදිසි මරණ පරීක්ෂකවරයා පවසා ඇත්තේ ඔහු හෘදයාබාධයකින් නොව වස ​​ශරීරගත වීමෙන් මියගොස් ඇති බවයි.

පසුව බෙලිඅත්ත පොලිස් ස්ථානාධිපතිවරයාගේ උපදෙස් මත සිද්ධිය සම්බන්ධයෙන් පරීක්ෂණයක් ආරම්භ කර ඇත.

මෙම විමර්ශනයේදී මියගිය පුද්ගලයාගේ බිරිඳගේ සොහොයුරා ඇඹිලිපිටිය ප්‍රදේශයේ වෙළඳසැලකින් මෙම රසායනික ද්‍රව්‍ය මිලදී ගෙන ඇති බවට පොලිසියට තොරතුරු ලැබුනු බව පොලීසිය පවසයි.

මෙම තොරතුරු මත විමර්ශන නිලධාරීන් විසින් බිරිඳගේ සොහොයුරා අත්අඩංගුවට ගෙන ප්‍රශ්න කිරීමේදී ඔහුගේ නැගණිය නිධනයක් හෑරීමට බව පවසමින් රන් ආලේප කිරීමට භාවිත කරන රසායන ද්‍රව්‍යක් රැගෙන එන ලෙසට ඉල්ලා සිටි බව සඳහන් සැකකරු පාපොච්චාරනය කර ඇත.

සොහොයුරාගේ ප්‍රකාශය මත මියගිය පුද්ගලයාගේ බිරිඳ පොලිසිය විසින් අත්අඩංගුවට ගෙන ඇති අතර, සැමියාගේ හිරිහැර හේතුවෙන් ඇය විසින් එම රසායනය සැමියා පානය කරමින් සිටි වීදුරුවට දමා ඇති බව විමර්ශනවලදී අනාවරණය වී තිබේ.

බෙලිඅත්ත කොස්ගහගොඩ ප්‍රදේශයේ පදිංචි ඇය 40 හැවිරිදි තිදරු මවකි.

සිද්ධියෙන් මියගොස් ඇත්තේ බෙලිඅත්ත කොස්ගහගොඩ පදිංචි රත්නගොඩ බරනාදුගේ ගයාන් චන්දිම කුමාර නමැති 45 හැවිරිදි පෙදරේරුවෙක් බව සඳහන් වේ.

ඔහු මත්පැන් පානයට ඇබ්බැහි වූවකු බවත් දිනපතා මත්පැන් නිවසට ගෙනැවිත් පානය කරන බවත් එවැනි අවස්ථාවක සැකකාර බිරිඳ මත්පැන් වීදුරුවට වස මිශ්‍ර කර ඇති බවත් පොලිසිය කියයි.

විත්තිකරු සහ ඔහුගේ සහෝදරයා හෙට (26) තංගල්ල මහේස්ත්‍රාත් අධිකරණයට ඉදිරිපත් කිරීමට නියමිතව තිබුණි.

කහව ප්‍රදේශයේ ජීවත්වූ වසය 59ක් පමණ වන තිදරු මවක් ඇසිඩ් වක්කර ඝාතනය කර ඇති බව අම්බලන්ගොඩ පොලීසිය පවසයි.

ප්‍රදේශයේ පාසලකට ආහාරපාන සැපයූ ගෝනපිනුවල ප්‍රේමලතා නම් කාන්තාවක් එසේ ඝාතනය කර ඇත.

අද (20) අලුයම 4ට පමණ ඇයගේ නිවසට ඇතුළු වූ නාඳුනන පුද්ගලයෙක් ඇය සිය කුස්සියෙහි පොල් ගාමින් සිටිය සාන්ද්‍ර සල්ෆියුරික් අම්ලය (ඇසීඩ්) ඇයගේ හිසට සහ මුහුණ ප්‍රදේශයට වක්කර ඇති බව වාර්තා වේ.

අසල්වාසීන් හා ඥාතීන් එක්ව එම කාන්තාව ත්‍රිරෝද රියකින් බලපිටිය මුලික රෝහලට ඇතුළු කර ඇති අතර ඒ වනවිටත් ඇය මියගොස් සිටි බව සඳහන්.

අම්බලන්ගොඩ පොලීසිය මේ පිළිබඳ ව වැඩිදුර විමර්ශන සිදුකරයි.