නාල්ල පොලිසිය විසින් එකම පවුලේ බාප්පා, පුංචි සහ සහෝදරයා මරා මුදල් හා රන් භාණ්ඩ කිහිපයක් සොරාගත් සැකකරුවෙකු අත්අඩංගුවට ගෙන ඇති බව වාර්තා වේ.
මාලදෙනිය ප්‍රදේශයේ නිවසකදී අද (19) අලුයම 4ට පමණ මෙම අමානුෂික ඝාතනය සිදුකර ඇතැයි පොලිසිය සඳහන් කරයි.
අළුයම කාලයේ සැක කටයුතු ලෙස පාපැදියකින් ගමන් කරමින් සිටි පුද්ගලයකු පරීක්ෂා කළ පොලිසිය ඔහු සතුව රුපියල් ලක්ෂ 3කට ආසන්න මුදලක් සහ රන් භාණ්ඩ කිහිපයක් සොයාගෙන ඇති අතර ඒ සම්බන්දයෙන් ප්‍රශ්න කිරීමේදී මෙම ඝාතනයේ තොරතුරු අනාවරණය වූ බව පොලිසිය සඳහන් කරයි.
සැකකරු විසින් මෙසේ ඝාතනය කර ඇත්තේ තම බිරියගේ බාප්පා,පුංචි සහ ඔවුන්ගේ දරුවා බව සිදු කල මූලික පරීක්ෂණවලින් අනාවරණය වූ බව පොලිසිය සඳහන් කරයි.
