Attention

ශ්‍රී ලංකාවේ ඩිජිටල් ආර්ථිකයේ සහ විදේශ විනිමය ගලා ඒමේ දැවැන්ත හැරවුම් ලක්ෂ්‍යයක් සනිටුහන් කරමින්, ලොව ප්‍රමුඛතම මාර්ගගත ගෙවීම් පද්ධතියක් වන PayPal හරහා සෘජුවම ශ්‍රී ලංකාවට මුදල් ගෙන්වා ගැනීමේ පහසුකම ස්ථාපිත කිරීමට රජය තීරණය කර ඇත.

වසර ගණනාවක් පුරා මෙරට ව්‍යාපාරික ප්‍රජාව තොරතුරු තාක්ෂණ වෘත්තිකයින් සහ නිදහස් සේවකයින් විසින් සිදුකළ ඉල්ලීම් සහ ඔවුන්ගේ බලවත් අවශ්‍යතාවය සැලකිල්ලට ගනිමින් රජය මෙම සේවාව ආරම්භ කිරීමට කටයුතු කර ඇත.

ඒ අනුව එළඹෙන මැයි මස (15) වනදා සිට මෙම සේවාව ක්‍රියාත්මක කිරීමට සියලු කටයුතු සූදානම් කර ඇත.

PayPal හරහා මෙරටට මුදල් ගෙන්වා ගැනීමට පැවති නීතිමය සහ තාක්ෂණික බාධා ඉවත් කිරීම සඳහා ඩිජිටල් ආර්ථික අමාත්‍යාංශය, ශ්‍රී ලංකා මහ බැංකුව සහ මෙරට පෞද්ගලික බැංකු පද්ධතිය එක්ව පසුගිය කාලය පුරා සිදුකළ සාකච්ඡා සාර්ථක වීමත් සමඟ මෙම අවස්ථාව උදා වී ඇත.

මින් ඉදිරියට විදේශීය සේවාදායකයින්ගෙන් ලැබිය යුතු ගෙවීම් ලබා ගැනීම සඳහා ව්‍යාජ විදේශීය ලිපින භාවිත කිරීමට හෝ අවධිමත් මුදල් හුවමාරු ක්‍රම මත යැපීමට මෙරට ව්‍යවසායකයින්ට අවශ්‍ය නොවන බව සඳහන් කරයි.

රජය විසින් ක්‍රියාත්මක කර ඇති “මාර්ග ආරක්ෂණ ජාතික වැඩසටහන” යතාර්ථයක් බවට පත්කිරීම සඳහා මේ වනවිට නෛතික සහ ප්‍රායෝගික පියවරයන් රැසක් ක්‍රියාත්මක කරමින් පවතී.

ඒ මගින් ප්‍රවාහනයේ ආරක්ෂාව ඉහළ ප්‍රතිශතයකින් තහවුරු කිරීමට අපේක්ෂා කෙරෙන අතර උපාය මාර්ගික තිරසර වැඩපිළිවෙලක් යටතේ ජීවිත හා දේපළ ආරක්ෂා කිරීම මෙහි අරමුණයි.

මෙම වැඩපිළිවෙල කෙටි, මධ්‍ය හා දිගුකාලීන ජාතික වැඩසටහනක් ලෙස ප්‍රවාහන, මහාමාර්ග සහ නාගරික සංවර්ධන අමාත්‍යංශයේ මෙහෙයවීමෙන් ක්‍රියාත්මක කෙරේ.

ප්‍රවාහනයේ ආරක්ෂාව තහවුරු කිරීමේ ජාතික වැඩපිළිවෙල සඳහා මෙරට රක්ෂණ සමාගම්වල දායකත්වය ලබාගැනීමේ විශේෂ සාකච්ඡාවක් ප්‍රවාහන, මහාමාර්ග සහ නාගරික සංවර්ධන අමාත්‍ය බිමල් රත්නායකගේ ප්‍රධානත්වයෙන් පැවැත්විණ.

ප්‍රවාහනයේ ආරක්ෂාව සඳහා මෙරට පිළිගත් රක්ෂණ සමාගම්හි දායකත්වය ලබාදිය හැකි ආකාරය පිළිබඳ මෙහිදී දීර්ඝ වශයෙන් සාකච්ඡා කර ඇත.

ප්‍රමිතිගත, ආරක්ෂිත රථවාහන භාවිතයත්, සුරක්ෂිත රිය ධාවනයත් ඇතුළු ප්‍රවාහනයේ ආරක්ෂාව තහවුරු කරමින් කටයුතු කරන රියදුරන්ට දිරි ගැන්වීම් ක්‍රමයක් රක්ෂණ සමාගම් මගින් ක්‍රියාත්මක කිරීමටත්, වාහනවල ධාවනයට සුදුසු තත්ත්වය මත පදනම්ව නව රක්ෂණාවරණ ක්‍රම හඳුන්වාදීමටත්, අධිවේගී මාර්ග සඳහා විශේෂ රක්ෂණ ක්‍රමවේදයක් ඇතිකිරීම පිළිබදවත්, පාපැදිකරුවන්, පදිකයින් සදහා විකල්ප වන්දි යෝජනා ක්‍රම හදුන්වාදීම පිළිබදවත් මෙහිදී සාකච්ඡාවට බදුන් විය.

එමෙන්ම ඩිජිටල් රක්ෂණ කාඩ්පත ප්‍රවර්ධනයත් දැනට කිසිදු රක්ෂණාවරණයකට ලක්නොවන දුම්රිය මගීන් හා භාණ්ඩ ප්‍රවාහනය සඳහා නිශ්චිත රක්ෂණ ක්‍රමවේදයක් ඇතිකිරීමේ හැකියාව පිළිබඳ අධ්‍යයනය කිරීමත් ඇතුළුව සියලු අංශවල ප්‍රවාහන ක්ෂේත්‍රයන් සඳහා රක්ෂණ සමාගම්වල දායකත්වය ලබාගැනීම පිළිබඳවත් සාකච්ඡා කෙරිණ.

රථවාහන අනතුරු මගින් වසරකට සිදුවන 2,750කට අධික ජීවිත හානි අවම කරගැනීම සඳහා ක්‍රියාත්මක කර ඇති ප්‍රවාහනයේ ආරක්ෂිත ප්‍රතිසංස්කරණ සඳහා මගීන් සහ රියදුරන් වඩාත් සමීපව දායක කරගැනීමට රක්ෂණ සමාගම්වල නව යෝජනා ඉදිරියේදී ලබාගැනීමට නියමිතය.

නිල සංචාරයක් සඳහා මෙරටට පැමිණි මාලදිවයින් ජනාධිපති ආචාර්ය මොහොමඩ් මුයිසු, අග්‍රාමාත්‍ය ආචාර්ය හරිනි අමරසූරිය සමඟ හමුවක් පවත්වා ඇත.

ශ්‍රී ලංකා – මාලදිවයින් ද්විපාර්ශ්වික සබඳතා තවදුරටත් ශක්තිමත් කිරීම කෙරෙහි මෙම සාකච්ඡාව අවධානය යොමු කළ අතර උසස් අධ්‍යාපනය සහ ධාරිතා වර්ධනය ඇතුළු අධ්‍යාපනයේ සහයෝගීතාව පුළුල් කිරීම කෙරෙහි විශේෂ අවධානයක් යොමු කළේය.

තවද අග්‍රාමාත්‍ය ආචාර්ය හරිනි අමරසූරිය, කථානායක වෛද්‍ය ජගත් වික්‍රමරත්න සහ විදේශ කටයුතු අමාත්‍ය විජිත හේරත් හමුවී සාකච්ඡා පවත්වා ඇත. 

ශ්‍රී ලංකා – මාලදිවයින් 60 වසරක රාජතාන්ත්‍රික සබඳතා සනිටුහන් කරමින් මාලදිවයින් ජනාධිපති ආචාර්ය මොහමද් මුයිසු පැළයක් රෝපණය කරයි.

ජනාධිපති අනුර කුමාර දිසානායකගේ ආරාධනයකට අනුව සිදු කෙරෙන ශ්‍රී ලංකාවේ රාජ්‍ය සංචාරයක නිරත මාලදිවයින් ජනාධිපති ආචාර්ය මොහමද් මුයිසු (Dr Mohamed Muizzu) ශ්‍රී ලංකා – මාලදිවයින් 60 වසරක රාජතාන්ත්‍රික සබඳතා සනිටුහන් කරමින් අද (04) පස්වරුවේ කොළඹ විහාර මහා දේවි උද්‍යානයේදී පැළයක් රෝපණය කළේය.

කොළඹ විහාර මහා දේවි උද්‍යානය වෙත පැමිණි මාලදිවයින් ජනාධිපති ආචාර්ය මොහමද් මුයිසු (Dr Mohamed Muizzu) ජනාධිපති අනුර කුමාර දිසානායක විසින් උණුසුම් අයුරින් පිළිගනු ලැබූ අතර කුඩා දරු දැරියන් දෙරටේ ජාතික ධජ රැගෙන මග දෙපස රැඳී සිටිමින් මාලදිවයින් ජනාධිපතිවරයා වෙත හරසර පුද කළහ.

මාලදිවයින් ජනාධිපති මොහොමඩ් මුයිසු රාජ්‍ය සංචාරයක් සඳහා අද (03) පස්වරුවේ කටුනායක ගුවන්තොටුපොළ වෙත පැමිණියේය.

ජනාධිපති අනුර කුමාර දිසානායකගේ ආරාධනයක් මත දිවයිනට පැමිණෙන මාලදිවයින් ජනාධිපතිවරයා, ලබන (06) වනදා දක්වා මෙරට රැඳී සිටීමට නියමිතය.

මාලෙ නුවර සිට ශ්‍රීලන්කන් ගුවන් සේවයේ ‘UL 116’ දරන ගුවන් යානයෙන් ජනාධිපති මොහොමඩ් මුයිසුට අමතරව ජනාධිපති ආර්යාව සමගින් උසස් නිලධාරීන් 20 දෙනෙකු මෙලෙස කටුනායක වෙත පැමිණ ඇත.

පසුගිය 2023 වසරේදී ජනාධිපති ධුරයට පත්වීමෙන් අනතුරුව මොහොමඩ් මුයිසු ශ්‍රී ලංකාවේ සිදු කරන පළමු සංචාරය මෙය වේ.

බලශක්ති ක්ෂේත්‍රයේ අර්බුදකාරී තත්ත්වයක් මතුවී ඇති බැවින් ඉන්ධන මිල විශාල ලෙස ඉහළ යමින් තිබෙන බව ජනාධිපති අනුර කුමාර දිසානායක සඳහන් කරයි.

ජාතික ජන බලවේගයේ කොළඹ දිස්ත්‍රික් මැයි රැලිය අමතමින් ජනාධිපති අනුර කුමාර දිසානායක සඳහන් කළේ,

“ඉන්ධන මිල විශාල ලෙස ඉහළ යමින් තිබෙනවා. අදත් ඩීසල් ලීටරයක් 382ක් වෙනවා. ආණ්ඩුව විකුණන හැම තෙල් ලීටරයකම රුපියල් 100ක සහනාධාරයක් දෙනවා තෙල් සංස්ථාවටයි, අනිත් සමාගම් වලටයි. අදත් ඔබලා ෂෙඩ් එකෙන් ගන්න ඩීසල් ලීටරයක් 482ක් වෙනවා. හැබැයි ගහන්නේ 382කට. රුපියල් 100ක් දෙනවා ආණ්ඩුවෙන්. ජනතාව බලාගන්න ආණ්ඩුවක්.

තාමත් තෙල් මිල ඉහළ යමින් තිබෙනවා. අපි රුපියල් කෝටි 6000ක් වෙන් කරලා මෙරට ජනතාවට අවශ්‍ය වන ඉන්ධන සහනාධාරය ලබා දෙන්න. වැඩ කරන ජනතාවගේ ආණ්ඩු එහෙමයි. හැබැයි තවත් මිල ඉහළ යනවා. තවත් කුඩා ප්‍රමාණයන්වල ඉන්ධන මිල ඉහළ දාන්න වෙයි. උපරිම ලෙස සහනාධාර දෙන්න කටයුතු කරනවා. බලශක්ති ක්ෂේත්‍රයේ අර්බුදයක් තියෙනවා.

ගල්අඟුරු මිල ඉහළ ගොස් තිබෙනවා. ඉන්ධන මිල ඉහළ ගොස් තිබෙනවා. ජලාශවල ජලය යම් ප්‍රමාණයක අඩුවෙලා තියෙනවා. ඒ නිසා යම් මිල ඉහළ දැමීමක් සිදු කිරීමට සිදුවෙලා තියෙනවා. අපි තීරණයක් අරන් තිබෙනවා, විදුලි පාරිභෝගිකයන්ගේ සියයට 96කට කිසිදු මිල වැඩිවීමකින් තොරව සහානාධාරයක් ලබා දෙන්න තීරණය කරලා තියෙනවා. අපි රුපියල් කෝටි 1500ක් ඒ වෙනුවෙන් වැය කරන්න තීරණය කරලා තියෙනවා.”