රාජ්ය සේවය ක්රමවත්ව පවත්වාගෙන යාම සම්බන්ධයෙන් පත්කළ කමිටුවේ හයවන රැස්වීමේ අද (15) දින අග්රාමාත්ය ආචාර්ය හරිනි අමරසූරියගේ ප්රධානත්වයෙන් පැවැත්විණ.
එහිදී අගෝස්තු මාසය දක්වා ප්රමාණවත් ඉන්ධන තොග රට තුළ පවතින බවත් මේ වසරේ ඉදිරි මාස සඳහා අවශ්ය ඉන්ධන ප්රමාණය ඉල්ලුම් කර ඇති බවද සඳහන් කරයි.
ඉදිරියේදී ඉන්ධන සහන ලබාදීමට ඇති අවස්ථා පිළිබඳව මෙන්ම මෙතෙක් ඉන්ධන නිකුත් කරනු ලබන ඔත්තේ සහ ඉරට්ටේ ක්රමය ඉවත් කර QR කේතය යටතේ ඉන්ධන ලබාදීම සහ ඉන්ධන කෝටාව වැඩි කිරීම පිළිබඳවත් අවධානය යොමු කර ඇත.
විදුලි පරිභෝජනය කළමනාකරණය කිරීම අරමුණු කර ගනිමින් “Clean Sri lanka” වැඩසටහන යටතේ පාසල් දරුවන් දැනුවත් කිරීම සහ විදුලි පරිභෝජනය කළමනාකරණ කරගන්නා නිවෙස් විධිමත්ව තෝරාගෙන පාසල් දරුවන් ඇගයීමේ වැඩසටහනක් සහ පාසල් දරුවන් හරහා විදුලි පරිභෝජනය කළමනාකරණය කර ගත හැකි ක්රමවේද පිළිබඳ දැනුම්වත් කිරීම වැනි ක්රමවේද පිළිබඳව එහිදී සාකච්ඡා කර ඇත.
රජය නිසි පරිදි බලශක්ති කළමනාකරණය කිරීම හේතුවෙන් ජනතාව පවතින අර්බුදය පිළිබඳ වැඩි අවධානයක් යොමු කර නොමැති බවත් වෙනත් රටවල ඉන්ධන පෝළීම්, විදුලිය කප්පාදු කිරීම් සිදුවූවත් තම ආණ්ඩුව විසින් මෙම අර්බුදය නිසි පරිදි කළමනාකරණය කළ බව අග්රාමාත්ය ආචාර්ය හරිනි අමරසූරිය සඳහන් කළාය.
