LIVE
ජාතික ලොතරැයි මණ්ඩලයේ විශේෂ ව්‍යාපෘතියක් සඳහා බඳවාගත් සේවකයින් තිදෙනෙකු දේශපාලන කටයුතු වලට යොදවා රජයට පාඩු සිදුකළ බව කියන සිද්ධියක් සම්බන්ධයෙන් පාර්ලිමේන්තු මන්ත්‍රී රවී කරුණානායකට එරෙහිව විමර්ශනයක් සිදු කරයි.
එම විමර්ශනයට අදාළව ප්‍රකාශයක් ලබාගැනීම සඳහා අල්ලස් කොමිසම හමුවේ පෙනී සිටින ලෙසට රවී කරුණානායකට දින තුනකදී දැනුම් දී තිබුණ ද ඔහු එම කොමිසම හමුවට පැමිණියේ නැත.
ඒ හේතුවෙන් අල්ලස් කොමිසමේ නිලධාරීන් පිරිසක් පසුගියදා රවී කරුණානායකගේ නිවස වෙත ගොස් තිබුණු අතර එම අවස්ථාවේදී ද ඔහු නිවසේ නොසිටියේය.
ඒ අනුව පාර්ලිමේන්තු මන්ත්‍රී රවී කරුණානායක අද (31) දිනයේ අල්ලස් කොමිසම හමුවේ පෙනී සිටීමට නියමිත බව ඔහුගේ නීතිඥවරුන් සඳහන් කර ඇත.
