සංවිධානාත්මක අපරාධකරුවන් සම්බන්ධව පමණක්ම ක්රියාත්මක වන පරිදි සැකසූ ඉතාම ප්රබල නීති සහිත නව පනතක් ගෙන එනු ලබන බව මධ්යම අපරාධ විමර්ශන දිසාව භාර නියෝජ්ය පොලිස්පති චන්දන කොඩිතුවක්කු සඳහන් කරයි.
තව සති දෙකක් ඇතුලත ගෙන එන නව පනතින් ක්රියාත්මක වන නීති හරහා වැරදිකරුවන් බවට සනාථ වී බන්ධනාගාර ගතකර සිටින අපරාධකරුවන් නැවත පොලිස් භාරයට ගෙන විමර්ශන සිදුකිරීමට හැකියාවක් ලැබෙන බවද නියෝජ්ය පොලිස්පති චන්දන කොඩිතුවක්කු සඳහන් කරයි.
නියෝජ්ය පොලිස්පති චන්දන කොඩිතුවක්කු සඳහන් කළේ,
“නීතියේ හිඩැස් නං මේක වසන් කරලා හංගලා බැහැ. අදටත් මේ සම්බන්ධව මේ පුද්ගලයින්ට අපි රඳවා තබා ගන්නේ ත්රස්තවාදී සම්බන්ධව තිබෙන පනතින්. මේ සම්බන්ධයෙන් තව සති දෙකක් තුළ ඉතාම ප්රබල නීතියක් එනවා.
සංවිධානාත්මක අපරාධකාරයින්ටම වෙන් වුණ නීතියක්. ඉතාම ප්රබල නීතියක්. අපි අපරාධකාරයෝ වැරදිකාරයෝ කරලා, ඇතුලේ ඉන්නවා වැරදිකාරයේ කරලා ප්රබල නම් තියෙන අය. මිනිස්සු බොරුවට බය වෙන නම් තියෙන මිනිස්සු ඉන්නවා.
නමුත් ඒ මිනිස්සු නැවත කරන අපරාධවලට, බන්ධනාගාරයෙන් එළියට අරගෙන පොලිස් බාරයේ තබාගෙන විමර්ශනය කිරීමේ හැකියාව ඒ පනතින් එනවා. කාටවත් අතුලට වෙලා එහෙම කරන්න බෑ. තව තව දේවල් තියෙනවා.”
වැඩසටහනකට එක්වෙමින් මධ්යම අපරාධ විමර්ශන දිසාව භාර නියෝජ්ය පොලිස්පති චන්දන කොඩිතුවක්කු මේ බව සඳහන් කරයි.
