සිය නිත්යානුකූල ආදායම ඉක්මවා රුපියල් මිලියන 75කට අධික වත්කම් අයතා ලෙස අත්පත් කර ගැනීම සම්බන්ධයෙන් හිටපු අමාත්ය විමල් වීරවංශට එරෙහිව අල්ලස් කොමිසම විසින් ගොනු කර තිබෙන නඩුව අද (08) දින කොළඹ මහාධිකරණය හමුවේ යළිත් විභාගයට ගත්තේය.
මෙහිදී අල්ලස් කොමිසම වෙනුවෙන් පෙනී සිටි අතිරේක සොලිසිටර් ජෙනරාල් අසාද් නවාවීගේ මෙහෙයවීම යටතේ පැමිණිල්ලේ සාක්ෂිකරුවන්ගෙන් සාක්ෂි සටහන් කර ගැනීම සිදුවිය.
කොළඹ මහාධිකරණ විනිසුරු මොහොමඩ් මිහායිල් ඉදිරියේදී එම නඩුව කැඳවූ අතර වැඩිදුර සාක්ෂි විභාගය ජූනි මස (25) වනදා දක්වා කල් තැබුණි.
2010 වසරේ සිට 2014 වසර දක්වා කාලසීමව තුළ සිය නිත්යානුකූල ආදායම අභිබවා රුපියල් මිලියන 75කට අධික වත්කම් අත්පත් කර ගැනීම තුළින් අල්ලස් පනත යටතේ වරදක් සිදුකළ බවට චෝදනා කරමින් විමල් වීරවංශට විරුද්ධව මෙම නඩුව ගොනුකර තිබුණි.
