රුපියල් කෝටි 3.5ක මුදලක් හොරණ රාජ්ය බැංකුවකින් අතුරුදන්වීමේ සිද්ධියට අදාළව අත්අඩංගුවට ගෙන රැඳවුම් නියෝග මත ප්රශ්න කළ එම බැංකුවේ සහකාර කළමනාකරු අද (09) දින හොරණ ප්රධාන මහෙස්ත්රාත් අධිකරණයට ඉදිරිපත් කළේය.
එම බැංකුවේ සහකාර කළමනාකරු අධිකරණයට ඉදිරිපත් කිරීමෙන් අනතුරුව එළැඹෙන (23) වෙනිදා දක්වා රිමාන්ඩ් භාරයේ තැබීමට හොරණ ප්රධාන මහෙස්ත්රාත් අධිකරණය නියෝග කළේය.
සිද්ධිය සම්බන්ධයෙන් තවදුරටත් විමර්ශන සිදුකරන බවත් පොදු දේපළ පනත යටතේ ඉදිරි නීතිමය කටයුතු කිරීමට අපේක්ෂා කරන බවද විමර්ශන නිලධාරීන් අධිකරණයට දැනුම් දුන්නේය.
එනිසා සිද්ධියට අදාළ බැංකුවේ කාර්යපටිපාටිය පිළිබඳ වාර්තාවක් කැඳවා ඇති අතර ATM යන්ත්ර සඳහා රැගෙන ගිය බව කියන මුදල් හා බැංකුවේ ගබඩා කාමරයේ තිබී සොයාගත් මුදල් අතර සම්බන්ධතාව සොයා බැලීමට අධිකරණය නියෝග කර ඇත.
