2026 පහ ශ්රේණිය ශිෂ්යත්වය සහ 2026 අ.පො.ස. උසස් පෙළ විභාගය සම්බන්ධයෙන් සියලු පාර්ශවකරුවන් සම්බන්ධ කර විශේෂ වැඩපිළිවෙලක් සකස් කර තිබෙන බව ආපදා කළමනාකරණ මධ්යස්ථානය සඳහන් කරයි.
ඒ අනුව විභාග පැවැත්වෙන කාල සීමාව තුළ ඇති වන ආපදා ගැන දැනුම්දීම සඳහා දුරකථන අංක 05ක් හඳන්වාදෙන බව ආපදා කලමනාකරණ මධ්යස්ථානය සඳහන් කරයි.
ත්රිවිධ හමුදාවේ සහ පොලීසියේ අඛණ්ඩ සහයෝගය ඇතිව එය ක්රියාත්මක කරන බවද ආපදා කළමනාකරණ මධ්යස්ථානයේ අධ්යක්ෂ ජනරාල් ප්රදීප් කොඩිප්පිලි සඳහන් කරයි.
අධ්යක්ෂ ජනරාල් ප්රදීප් කොඩිප්පිලි සඳහන් කළේ,
“ආපදා කළමනාකරණ මධ්යස්ථානය මගින් සියලු පාර්ශවකරුවන් සම්බන්ධ කරලා විශේෂ වැඩපිළිවෙලක් සකස් කරලා තියෙනවා. විභාගයට පෙරත් අවසන් වී පසු දිනයේදීත් මෙම සැලැස්ම ක්රියාත්මකයි.
යම්කිසි ආපදා තත්ත්වයක් ඇතුවුවහොත් දරුවන් විභාග මධ්යස්ථාන වෙත රැගෙන යාම සඳහා අවශ්ය පරිදි පහසුකම් සලසා දීමට, ප්රශ්නපත්ර ප්රවාහනයේදී මෙන්ම නිලධාරීන්ට රාජකාරි කටයුතු සිදුකිරීමට සැලසුම් සකස් කරලා තියෙන්නේ.
නව දුරකථන අංක 5ක් ලබා දෙනවා විභාග දිනයට පෙර දිනයේ දී. එමෙන්ම 117 දුරකථන අංකය විවෘතයි. තාක්ෂණිත වාර්ථාවන් පැය 6න් 6යට හෝ 3න් 3ට ලබා දීමට නියමිතයි. ත්රිවිධ හමුදාව පොලීසිය එකතුව අඛණ්ඩව වැඩකටයුතු කිරීමට නියමිතයි.”
