කතරගම – බුත්තල මාර්ගයේ සෙල්ලකතරගමට ආසන්නයේදී බස් රථයකට වන අලියෙකු පහරදීමෙන් බස් රථයක් පෙරළී අනතුරක් සිදුව ඇත.
වන්දනාකරුවන් පිරිසක් රැගත් බස් රථයකට වන අලියෙකු පහරදී ඇති අතර එම සිද්ධියෙන් තුවාල ලැබු පුද්ගලයින් 15 දෙනෙකු රෝහල්ගත කර ඇත.
කෙසේ වෙතත්, රෝහල්ගත කළ එම තුවාලකරුවන්ගේ තත්ත්වය බරපතළ නොවන බව වාර්තා වේ.
වනඅලි ප්‍රහාරය හේතුවෙන් බස් රථය මාර්ගයෙන් ඉවතට පැන පෙරළී ගොස් ඇති අතර අනතුර සිදුවන අවස්ථාවේ බස් රථයේ පුද්ගලයින් 40 දෙනෙකු පමණ සිට ඇති බව සඳහන් වේ.
පහරදීම සිදුකළ වන අලියා එම ස්ථානයෙන් පලාගොස් ඇති අතර එම සිද්ධිය සම්බන්ධයෙන් පොලීසිය වැඩිදුර විමර්ශන සිදුකරයි.
