අපරාධ පරීක්ෂණ දෙපාර්තමේන්තුවේ හිටපු ජ්යෙෂ්ඨ නියෝජ්ය පොලිස්පති රවී සෙනවිරත්න සහ එම දෙපාර්තමේන්තුවේ හිටපු අධ්යක්ෂ ශානි අබේසේකරගේ මුලික මිනිස් අයිතිවාසිකම් කඩ කිරීමට කටයුතු කර ඇති බව ශ්රෙෂ්ඨාධිකරණය අද (15) තීන්දු කළේය.
හිටපු පොලිස්පති දේශබන්දු තෙන්නකෝන්, හිටපු නියෝජ්ය පොලිස්පති පාලිත සිරිවර්ධන සහ ප්රධාන පොලිස් පරීක්ෂක ඉන්දුක සිල්වා යන පුද්ගලයින් දේශපාලන න්යාය පත්ර අනුව කටයුතු කර අපරාධ පරීක්ෂණ දෙපාර්තමේන්තුවේ හිටපු ජ්යෙෂ්ඨ නියෝජ්ය පොලිස්පති රවී සෙනවිරත්න සහ එම දෙපාර්තමේන්තුවේ හිටපු අධ්යක්ෂ ශානි අබේසේකරගේ මුලික මිනිස් අයිතිවාසිකම් කඩ කිරීමට කටයුතු කර ඇති බව ශ්රෙෂ්ඨාධිකරණය තීන්දු කළේය.
විනිසුරු මඩුල්ල නියෝග කළේ, හිටපු නියෝජ්ය පොලිස්පති පාලිත සිරිවර්ධන විසින් දේශපාලන උවමනාව මත පාස්කු ප්රහාරයට සම්බන්ධව පෙත්සම්කරුවන්ට එරෙහිව අපරාධ පරීක්ෂණ දෙපාර්තමේන්තුව සිදුකර තිබෙන පැමිණිල්ලට අදාළව ඉදිරි පියවර කිසිවක් ගැනීමක් සිදු නොකරන ලෙසයි.
අදාළ පැමිණිල්ල ඉදිරිපත් කළ විශ්රාමික නියෝජ්ය පොලිස්පති පාලිත සිරිවර්ධන විසින් රුපියල් 50,000ක් බැගින් සහ අදාල විමර්ශනය සිදුකළ අපරාධ පරීක්ෂණ දෙපාර්තමේන්තුවේ එවක ප්රධාන පොලිස් පරීක්ෂක ඉන්දුක ද සිල්වා විසින් රුපියල් 10,000 බැගින් පෙත්සම්කාර ශානි අබේසේකර සහ රවි සෙනෙවිරත්නට ගෙවිය යුතු බවත් තීන්දුවේ සඳහන් විය.
පාස්කු ප්රහාරය සම්බන්ධයෙන් සිදුකරන විමර්ශනවලට අදාළව තමන්ව අනීතික ලෙස අත්අඩංගුවට ගැනීම වළක්වාලන නියෝගයක් නිකුත් කරන මෙන් ඉල්ලා පසුගිය ජනාධිපතිවරණය සමයේ ශානි අබේසේකර සහ රවි සෙනෙවිරත්න විසින් ඉදිරිපත් කළ මූලික අයිතිවාසිකම් පෙත්සමක් විභාග කිරීමෙන් අනතුරුව ශ්රේෂ්ඨාධිකරණය මෙම නියෝගය ප්රකාශයට පත් කළේය.