මේ වනවිට අධිකරණය මගහරිමින් සිටින හිටපු අමාත්ය බැසිල් රාජපක්ෂට එරෙහිව ජාත්යන්තර පොලිසිය (INTERPOL) මඟින් ‘නිල් නිවේදනයක්’ (Blue Notice) නිකුත් කර ඇති බව වාර්තා වේ.
මෙරට අධිකරණ ක්රියාමාර්ග හමුවේ අවශ්යව සිටින පුද්ගලයින් සොයාගෙන යළිත් මෙරටට ගෙන්වා ගැනීමේ ප්රයත්නයන් කඩිනම් කිරීම සඳහා අපරාධ පරීක්ෂණ දෙපාර්තමේන්තුව කළ ඉල්ලීමකට අනුව මෙම පියවර ගෙන ඇත.
අපරාධ පරීක්ෂණ දෙපාර්තමේන්තුව හරහා ක්රියාත්මක වන මෙම ‘නිල් නිවේදනය’ මඟින් බැසිල් රාජපක්ෂගේ අනන්යතාව, ඔහු රැඳී සිටින ස්ථානය හෝ ඔහුගේ ක්රියාකාරකම් පිළිබඳ නිල තොරතුරු ජාත්යන්තර බලධාරීන් හරහා ලබාගැනීමට හැකිය.
අධිකරණය මගහරිමින් විදේශගතව සිටින හිටපු දේශපාලනඥයන් සහ අනෙකුත් සැකකරුවන් නීතිය හමුවට පැමිණවීම පිණිස රජය ජාත්යන්තර නීති බලාත්මක කිරීමේ යාන්ත්රණයන් උපරිමයෙන් භාවිත කරන බව අමාත්ය ආනන්ද විජේපාල සඳහන් කර ඇත.
