සම්බුද්ධ ශාසනයේ චිරස්ථිතිය වෙනුවෙන් දරුවන් සසුනට පූජා කළ, දැනට ස්ථිර නිවෙසක් නොමැති මවුපියන් සඳහා ක්රියාත්මක “යතිවර මාපිය නිවහන” ජාතික වැඩසටහන අද (19) දින බදුල්ලෙන් ආරම්භ කරයි.
ඒ අනුව මෙම ජාතික වැඩසටහන සඳහා සුදුසුකම් ලබන මවුපියන්ට නිවාස හිමිකම් ප්රදානය කිරීම බදුල්ල දිස්ත්රික් ලේකම් කාර්යාලයේදී සිදු කෙරේ.
මෙම ජාතික වැඩසටහන ජනාධිපති අනුර කුමාර දිසානායකගේ සංකල්පයක් අනුව ක්රියාත්මක කෙරෙන බව බුද්ධශාසන, ආගමික සහ සංස්කෘතික කටයුතු අමාත්ය ආචාර්ය හිනිදුම සුනිල් සෙනෙවි සඳහන් කරයි.
ස්වාමීන් වහන්සේ නමක් පැවිදි දිවියට ඇතුළත්ව වසර පහක් සම්පූර්ණ කර තිබීම මෙහි එක් මූලික සුදුසුකමක් ලෙස සලකන බවද අමාත්ය ආචාර්ය හිනිදුම සුනිල් සෙනෙවි සඳහන් කරයි.
බුද්ධශාසන, ආගමික හා සංස්කෘතික කටයුතු අමාත්යාංශය සහ නිවාස, ඉදිකිරීම් හා ජල සම්පාදන අමාත්යාංශය ඒකාබද්ධව ක්රියාත්මක කරන මෙම වැඩසටහන යටතේ පළමු අදියරේදී නිවාස 270ක් ඉදිකිරීමට නියමිතය.
සමස්ත ව්යාපෘතිය යටතේ නිවාස 1,000ක් ඉදිකිරීමට රජය අපේක්ෂා කරන අතර එක් නිවෙසක් සඳහා රුපියල් ලක්ෂ 15ක ආධාරයක් ලබාදෙන අතර නිවසක් නොමැති අඩු ආදායම්ලාභී මවුපියන්ට නිවාස පහසුකම් සලසා දීම මෙම වැඩසටහනේ ප්රධාන අරමුණ වේ.
