හිටපු ජනාධිපති ගෝඨාභය රාජපක්ෂට විදෙස් ගමන් තහනමක් පැනවීම තුළින් ඔහුද පාස්කු ත්රස්ත ප්රහාරය සම්බන්ධයෙන් සැක සහිත පුද්ගලයෙකු බවට පත්ව ඇති බව ජාතික කතෝලික ජන සන්නිවේදන කේන්ද්රයේ අධ්යක්ෂ ජූඩ් ක්රිශාන්ත ප්රනාන්දු පියතුමා පවසයි.
එනිසා එම සැකය දුරු කිරීමට හෝ ගෝඨාභය රාජපක්ෂට එරෙහිව නඩු පවරා විභාග කොට දඬුවම් ලබාදිය යුතු බවද ජාතික කතෝලික ජන සන්නිවේදන කේන්ද්රයේ අධ්යක්ෂ ජූඩ් ක්රිශාන්ත ප්රනාන්දු පියතුමා පවසයි.
එලෙස දඬුවම් ලබාදීමෙන් පසු පාස්කු ත්රස්ත ප්රහාරයේ සියලු වැඩකටයුතු අවසන් වන බවත් එම නඩු තීන්දුවෙන් පසුව සියලුම වින්දිතයින්ට සාධාරණයක් ඉෂ්ට වන බවද අධ්යක්ෂ ජූඩ් ක්රිශාන්ත ප්රනාන්දු පියතුමා පවසයි.
පාස්කු මහ නඩුවේ තීන්දුව ලබාදීමෙන් අනතුරුව (22) රාත්රියේ මාධ්ය වෙත විශේෂ ප්රකාශයක් කරමින් අධ්යක්ෂ ජූඩ් ක්රිශාන්ත ප්රනාන්දු පියතුමා සඳහන් කළේ,
“මේ මරාගෙන මැරෙන බෝම්බ ප්රහාරයක් සහ ඒ ඔස්සේ බලය ලබාගැනීමේ ක්රමවේදයට මේක තල්ලු කරපු, මෙම කොටස් දෙකම එකතු කරපු කණ්ඩායමක් ඉන්නවා. අපි කියන්නේ දැන් ඒ කණ්ඩායම හොයන්න ඕනා.
විශේෂයෙන්ම දැන් පාස්කු ප්රහාරය සම්බන්ධව පරීක්ෂණ කරපු අය, මේ වෙනකොට සුරේෂ් සලේ මහත්මයා අපරාධ කොට්ඨාශ අංශය විසින් සැකකරුවෙක් ලෙස තියාගෙන ඉන්නවා. ඉතින් මේ වනවිට ඔහු රෝහල්ගත කරලා තියෙන්නේ.
රෝහල්ගත කරලා මෙච්චර කාලයක් ඔහුව තබාගන්නට තරම් අසනීප නෑ මම හිතන්නේ. ඉතිං ඒක නිසා මේ රටේ ජනතාව මෝඩයෝ නෙමෙයි. මේ පිළිබඳව වෛද්යවරුන්ගෙන් සෑබෑ තොරතුරු අරගෙන, අපි අපරාධ පරීක්ෂණ දෙපාර්තමේන්තුවට කියනවා.
කරුණාකර සුරේෂ් සලේ මහත්මයාට ඒ සුදුසු විධිවිධාන යටතේ නඩු පවරලා ඔහුවත් සාධාරණව විනිශ්චය කරලා එම විනිශ්චය ලබාදෙන්න කියලා. ඒ වගේම ජනාධිපති කොමිෂන් සභාවෙන් කරපු නිර්දේශ අනුව මෛත්රීපාල සිරිසේන, නිලන්ත ජයවර්ධන මහත්තයාට සුදුසු ක්රමවේදයන් ඔස්සේ නඩු පවරලා ඒ අයට දඬුවම් ලබාදෙන්නට.
ඒ වගේම පහුගිය දවස්වල අපි දැක්කා ගෝඨාභය ජනාධිපතිතුමන්ට විදෙස් ගමන් තහනමක් පනවනු ලැබුවා. ඒ කියන්නේ එතුමාත් මේ සම්බන්ධව යම්කිසි සැක සහිත පුද්ගලයෙක් කියන දේ. ඉතිං ඒ සැකය දුරු කරන්නට හෝ ඔහුට විරුද්ධවත් නඩු පවරලා ඒ ඔස්සේ දඬුවම් දෙන්නට කියලා.
අන්න එතකොට තමයි මේ පාස්කු ත්රස්ත ප්රහාරයේ සියලු වැඩකටයුතු අවසන් වෙන්නේ. ඒ ඔස්සේ සියලු දෙනාට පරීක්ෂණ කරලා. ඒ අයට දඬුවම් ලබාදුන්නොත්. ඒක නිසා අපි බලාගෙන ඉන්නවා මේ නඩු තීන්දුව මේ ආකාරයෙන් සාධාරණව සිද්ද වුණා වගේම, ඉතිරි නඩු තීන්දුත් සාධාරණව සිද්ද වෙලා වින්දිතයින්ට සාධාරණයක් ඉෂ්ට කරලා දෙයි.”