කොලොන්නාව ඇතුළු තදාසාන්න ප්රදේශ වලට නිරන්තරයෙන් ඇතිවන ගංවතුර පාලනය වෙනුවෙන් කොලොන්නාව වැසි ජල අපවහන හා පරිසරය වැඩි දියුණු කිරීමේ විශේෂ ව්යාපෘතිය ඉදිකිරීම් කටයුතු ආරම්භ කර ඇත.
කොලොන්නාවට බලපාන ගංවතුර පාලනයට, ප්රධාන ඇල මාර්ග 04ක් පුළුල් කර වැඩි ජල ධාරිතාවක් දැරිය හැකි පරිදි වැඩි දියුණු කෙරෙන අතර ජල රඳවන තටාක 07ක් නිර්මානය කරන අතර සැලසුම් ගත ව්යාපෘතිය යටතේ සැළලිහිනි මාවත ඇල, දහම්වෙල ඇල, පස්සැන්න ඇල, දඬුතොට ඇල පුළුල් කර සංවර්ධනය කරයි.
ව්යාපෘතිය යටතේ ජල තටාක 07ක් ඉදිකෙරෙන අතර විවේකාරාම, තුප්පාවෙල, ගොඩැල්ල, සිරිපැරකුම් මාවත, බැලගම, දඬුතොට, කොටිකාවත්ත ප්රදේශයන් හි මෙම ජල තටාක ඉදිවේ.
මෙම ව්යාපෘතිය පිරිවැය රුපියල් මිලියන 15,000ක් වන අතර ප්රවාහන මහාමාර්ග සහ නාගරික සංවර්ධන අමාත්යංශයේ මෙහෙය වීමෙන්, ශ්රී ලංකා ඉඩම් සංවර්ධනය කිරීමේ සංස්ථාව මඟින් සැලසුම් කර ව්යාපෘතිය සේවා ක්රියාත්මක කෙරෙයි.
ගංවතුර පාලන ව්යාපෘතිය සමඟාමීව ප්රධාන හා ග්රාමීය මාර්ග පද්ධතිය, කුඩා පාලම්, බෝක්කු, ජල බස්නා කාණු පද්ධති නවීකරණය කරන අතර ඇවිදින මංතීරු,ප්රවේශ මාර්ග, රුක් රෝපන ව්යාපෘතිය ද ක්රියාත්මක වේ.