මේ වනවිට බන්ධනාගාරගත කර සිටින සුගීෂ්වර බණ්ඩාරට ජනාධිපති කාර්යාලයෙන් ගෙවූ බව කියන වැටුප් මුදල් බැර වී ඇත්තේ ගෝඨාභය රාජපක්ෂගේ සොහොයුරියකගේ පුතෙකුගේ ගිණුමකට බව මධ්යම විමර්ශන කාර්යාංශය කොටුව මහේස්ත්රාත් අධිකරණය හමුවේ අනාවරණය කර ඇත.
හිටපු ජනාධිපති රනිල් වික්රමසිංහගේ පාලන සමයේ විශේෂ ව්යාපෘති අධ්යක්ෂ ජනරාල්වරයා ලෙස කටයුතු කරමින් රුපියල් කෝටි 22කට අධික මුදලක් සාපරාධී සාවද්ය පරිහරණය සහ විශ්වාසය කඩ කිරීමේ චෝදනා මත සුගීෂ්වර බණ්ඩාර (23) දින අධිකරණයට ඉදිරිපත් කළ අවස්ථාවේදී මේ බව අනාවරණය විය.
මෙම සැකකරුගේ ගිණුමට අවස්ථා 4කදී රුපියල් ලක්ෂ 50ක මුදලක් සහ අවස්ථා 79කදී රුපියල් එක්කෝටි දහහතර ලක්ෂයකට අධික මුදලක් බැරවී ඇති බව විමර්ශන ප්රගතිය අධිකරණයට ඉදිරිපත් කරමින් එම නිලධාරීන් සඳහන් කරයි.
ගෝඨාභය රාජපක්ෂගෙන් ලබාගත් ප්රකාශ වලින්ද අදාළ වැටුප් මුදල් බැරවී ඇත්තේ ඔහුගේ සොහොයුරියගේ පුතාගේ ගිණුමට බව තහවුරු වී ඇති අතර එම ගිණුම් හිමිකරුගෙන්ද ප්රකාශ ලබාගෙන තිබෙන බව සඳහන් කරයි.
එහිදී එක් ප්රකාශයකින් මුදලින් අඩක් ලැබුණු බවත්, අනෙක් ප්රකාශයෙන් කිසිදු මුදලක් නොලැබුණු බවත් ඔහු පවසා ඇති බැවින් ඒ පිළිබඳ වැඩිදුර විමර්ශන ක්රියාත්මක බවද එම නිලධාරීන් සඳහන් කරයි.
එම විශේෂ ව්යාපෘති අධ්යක්ෂවරයා ලෙස කටයුතු කරන අවස්තාවේදි ඔහු යටතේ අධ්යක්ෂවරුන් 22ක් ඇතුළු 135 දෙනෙකු පමණ සේවය කර ඇති බවත් එම ව්යාපෘතිය හරහා සිදුව ඇත්තේ දේශපාලනය ප්රවර්ධනය කිරීම පමණක් බවත් විමර්ශනවලදී අනාවරණය වූ බව එම නිලධාරීන් සඳහන් කරයි.