මේ වනවිට වෙළෙඳපොළේ වාහන මිල ගණන් සැලකිය යුතු මට්ටමකින් පහත වැටී ඇතැයි වාහන ආනයනකරුවන්ගේ සංගමයේ සභාපති ඉන්දික සම්පත් මෙරෙන්චිගේ සඳහන් කරයි.
පනවා තිබූ සීමා ලිහිල් කිරීමත් සමඟ මෙරට අවශ්යතාව ඉක්මවා වාහන ආනයනය කිරීම හේතුවෙන් වෙළෙඳපොළේ වාහන මිල ගණන් සැලකිය යුතු මට්ටමකින් පහත වැටී ඇති බව සභාපති ඉන්දික සම්පත් මෙරෙන්චිගේ සඳහන් කරයි.
සීමා ඉවත් කිරීමෙන් පසු මෙරට අවශ්යතාව වූයේ ඉතා සුළු වාහන ප්රමාණයක් වුවද, සීමාව ඉක්මවා විශාල වශයෙන් වාහන ආනයනය කිරීම හේතුවෙන් වෙළෙඳපොළ තුළ අතිරික්තයක් නිර්මාණය වී ඇත.
වෙළෙඳපොළේ පවතින මෙම ප්රවණතාව හමුවේ ගැනුම්කරුවන්ට අඩු මිලකට වාහන මිලදී ගැනීමට ඉතා වාසිදායක පසුබිමක් නිර්මාණය වී ඇති බවද සභාපතිවරයා සඳහන් කරයි.
දේශීය වෙළෙඳපොළේ ජනප්රිය වාහන මාදිලි වන යාරිස් (Yaris), වෙසල් (Vezel), රේස් (Raize), වැගන් ආර් (Wagon R), ඩයිහට්සු මීරා (Daihatsu Mira) සහ සුසුකි (Suzuki) වැනි සෑම වාහනයකම පාහේ මිල රුපියල් ලක්ෂ තුනත් හතරත් අතර මුදලකින් පහත වැටී ඇත.
ඇතැම් වාහනවල මිල රුපියල් ලක්ෂ 10කින් පමණ අඩු වී ඇති අතර ඉදිරි කාලසීමාවේදී මෙම මිල ගණන් තවදුරටත් පහළ බසිනු ඇතැයි අපේක්ෂා කරන බවද සභාපතිවරයා සඳහන් කරයි.