2026 UI GreenMetric ලෝක විශ්වවිද්යාල ශ්රේණිගත කිරීම්හි ශ්රී ලංකාවේ අංක 1 ස්ථානය යළිත් වරක් තහවුරු කර ගැනීමට පේරාදෙණිය විශ්වවිද්යාලය සමත්ව ඇත.
2026 ශ්රේණිගත කිරීම් අනුව, රටවල් 110ක විශ්වවිද්යාල 2,016ක් අතරින් පේරාදෙණිය විශ්වවිද්යාලය ලකුණු 8,262.5ක් ලබාගෙන ලෝකයේ 200 වැනි ස්ථානය හිමිකරගෙන ඇත.
පරිසර හිතකාමී සහ තිරසර විශ්වවිද්යාල පරිසරයක් පවත්වාගෙන යාම, තිරසර සංවර්ධන ක්රියාමාර්ග ක්රියාත්මක කිරීම සහ පාරිසරික වගකීම් සහගත භාවිතයන් ප්රවර්ධනය කිරීම සම්බන්ධයෙන් පේරාදෙණිය විශ්වවිද්යාලය දක්වන අඛණ්ඩ ප්රගතිය මෙම ජයග්රහණය තුළින් පිළිබිඹු කරයි.
UI GreenMetric ලෝක විශ්වවිද්යාල ශ්රේණිගත කිරීමේදී, විශ්වවිද්යාලවල තිරසරභාවය පරිසර සැකසුම හා යටිතල පහසුකම්, බලශක්තිය හා දේශගුණික විපර්යාස, අපද්රව්ය කළමනාකරණය, ජල කළමනාකරණය, ප්රවාහනය, අධ්යාපනය, පාලනය සහ ඩිජිටල්කරණය ඇතුළු ප්රධාන දර්ශක කිහිපයක් ඔස්සේ ඇගයීමට ලක් කරනු ලබයි.
රටවල් 110ක විශ්වවිද්යාල 2,016ක් සහභාගී වූ 2026 UI GreenMetric ශ්රේණිගත කිරීම තුළින් ලෝකයේ විශ්වවිද්යාලවල තිරසර ක්රියාකාරීත්වය ඇගයීම සඳහා පවතින ප්රධාන ජාත්යන්තර වේදිකාවක් ලෙස එහි වැදගත්කම තවදුරටත් ඉහළ ගොස් ඇත.