හිටපු ජනාධිපති මහින්ද රාජපක්ෂගේ බිරිඳ වන ශිරන්ති රාජපක්ෂට පොලිස් මූල්ය අපරාධ විමර්ශන කොට්ඨාසය (FCID) හමුවේ (24) වන දින පෙනී සිටින ලෙස දැනුම් දුන්නද, ඇය පෙනී සිටියේ නැත.
පෙනී නොසිටීමට හේතු දක්වමින් ශිරන්ති රාජපක්ෂ වෙනුවෙන් නීතීඥවරයෙක් පොලිස් මූල්ය අපරාධ විමර්ශන කොට්ඨාසය වෙත ලිපියක් යොමු කළේය.
එම ලිපියෙන් දැනුම් දී ඇත්තේ, (24) දින පොලිස් මූල්ය අපරාධ විමර්ශන කොට්ඨාසය හමුවට පැමිණෙන ලෙසට කර ඇති දැනුම්දීමට අනුව ශිරන්ති රාජපක්ෂට පැමිණීමට නොහැකි බවයි.
ශිරන්ති රාජපක්ෂ අක්ෂි ශල්යකර්මයක් සඳහා සිංගප්පූරුවට ගොස් ඇති බැවින් ඇය නැවතත් මෙරටට පැමිණි පසුව පොලිස් මූල්ය අපරාධ විමර්ශන කොට්ඨාසය හමුවේ පෙනී සිටින බව නීතීඥවරයා දැනුම් දී ඇත.
කෙසේ වෙතත් අක්ෂි ශල්යකර්මයක් සඳහා සිංගප්පූරුවට ගොස් සිටින ශිරන්ති රාජපක්ෂ මුණ වසාගෙන සාප්පු සංකීර්ණයක ගමන් කරන ඡායාරූප කිහිපයක් සමාජ මාධ්යයේ සංසරණය වේ.
ශිරන්ති රාජපක්ෂගේ මුලිකත්වයෙන් පවත්වාගෙන ගිය “සිරිලිය සවිය” සංවිධානයේ ගණුදෙනු වලට අදාළව පොලිස් මූල්ය අපරාධ විමර්ශන කොට්ඨාසය විමර්ශනය සිදු කරයි.