ඉස්ලාම් දහමට අපහාස කිරීම සම්බන්ධයෙන් වරදකරු කරමින් නියම කරන ලද සිරදඬුවම ක්රියාත්මක නොකිරීමට හේතුවක් ඇත්නම් ලබන මස (01) වැනිදා අධිකරණය හමුවේ කරුණු දක්වන ලෙස කොළඹ මහේස්ත්රාත් අධිකරණය, බොදුබල සේනා සංවිධානයේ මහලේකම් ගලගොඩඅත්තේ ඥානසාර හිමිට (24) දින නියෝග කළේය.
අදාළ පැමිණිල්ල (24) දින අධිකරණය හමුවේ කැඳවූ අවස්ථාවේදී විත්තිකාර ඥානසාර හිමියන් අධිකරණයේ පෙනී නොසිටි අතර එයට හේතුව අසනීප තත්ත්වයෙන් පසුවීම බව ඔහු වෙනුවෙන් පෙනී සිටි ජනාධිපති නීතිඥ අනුර මැද්දෙගොඩ අධිකරණය හමුවේ සඳහන් කළේය.
සිරදඬුවම සම්බන්ධයෙන් මහේස්ත්රාත් අධිකරණය ලබාදුන් තීන්දුවට එරෙහිව මහාධිකරණය වෙත ඉදිරිපත් කළ ප්රතිශෝධන අයැදුම්පත ප්රතික්ෂේප වීමෙන් අනතුරුව ඒ සම්බන්ධයෙන් මේ වනවිට ශ්රේෂ්ඨාධිකරණය හමුවේ අභියාචනයක් ගොනු කර ඇති බව ජනාධිපති නීතීඥවරයා සඳහන් කරයි.
අනතුරුව ඉදිරිපත් වූ කරුණු සලකා බැලූ අතිරේක මහේස්ත්රාත්වරයා නියෝග කළේ, අදාළ කරුණු විත්තිකරු අධිකරණය හමුවේ පෙනී සිටීමෙන් අනතුරුව ඉදිරිපත් කරන ලෙසයි.
ඒ අනුව සිරදඬුවම ක්රියාත්මක නොකිරීමට හේතු දක්වන්නේ නම් ලබන (01) වැනිදා කරුණු ඉදිරිපත් කරන ලෙස නියෝග කළේය.