සමාජ මාධ්‍ය හරහා වෛරී ප්‍රකාශ සිදුකරන පුද්ගලයින් සම්බන්ධයෙන් පරිඝණක අපරාධ විමර්ශන ඒකකයන් ඔස්සේ විමර්ශන සිදුකරන බව මහජන ආරක්ෂක සහ පාර්ලිමේන්තු කටයුතු අමාත්‍ය ආනන්ද විජේපාල සඳහන් කරයි.
තවද මේ වනවිට එම සිද්ධීන් කිහිපයක් පිළිබඳව විශේෂ අවධානය යොමුකර අධිකරණ වලට කරුණු වාර්තා කර තිබෙන බවද මහජන ආරක්ෂක සහ පාර්ලිමේන්තු කටයුතු අමාත්‍ය ආනන්ද විජේපාල සඳහන් කරයි.
පාර්ලිමේන්තුවේදී අමාත්‍ය ආනන්ද විජේපාල සඳහන් කළේ,
“සමාජ මාධ්‍ය ව්‍යාජ ගිණුම් හරහා මුස්ලිම් විතරක් නෙමෙයි විවිධ ජාතීන් වල අයට වෛරී ප්‍රකාශ නිකුත් කිරීම පිළිබඳව නිරීක්ෂණය වෙලා තියෙනවා. මුස්ලිම්වරුන් ඉලක්ක කරගනිමින් සංවිධානාත්මක කණ්ඩායමක් ක්‍රියාත්මක වන ආකාරයක් පිළිබඳව කරුණු අනාවරණය වෙලා නෑ.
නමුත් දේශීයවත්, විදේශීයවත් ව්‍යාජ ගිණුම් සාදාගෙන මෙවැනි වෛරී ප්‍රකාශ කරනවා සියලුම ජාතීන්වලට අයත් පුද්ගලයින් විසින්. මේ පිළිබඳව පරිඝණක අපරාධ විමර්ශන ඒකකයන් ඔස්සේ විමර්ශනය සිදු කරනවා. ඒ වගේම සිද්ධීන් කිහිපයක් පිළිබඳව විශේෂ අවධානය යොමුකර අධිකරණ වලට කරුණු වාර්තා කර තිබෙනවා.”
