බොදුබල සේනා සංවිධානයේ මහ ලේකම් පූජ්ය ගලගොඩඅත්තේ ඥානසාර හිමි විසින් රචනා කරන ලද “9.05 විකෘතිය ලෝකය කැළඹූ මතවාදයක ලාංකික සෙවණැලි” නමැති ග්රන්ථය එළිදැක්වීමේ උත්සවය අද පස්වරු 2.30 ට පැවැත්වීමට නියමිතය.
කොළඹ තුම්මුල්ල සම්බුද්ධත්ව ජයන්ති මන්දිරයේදී මෙම උත්සවය පැවැත්වීමට කටයුතු යොදා ඇති අතර මෙම අවස්ථාවට මහා සංඝරත්නය, විද්වතුන්, දේශපාලන හා සමාජ ක්රියාකාරීන් ඇතුළු පිරිසක් එක්වීමට නියමිතව ඇත.
දිගු කලක් තිස්සේ විවේචනයට හා විරෝධයට ලක් කළ ආගමික අන්තවාදී මතවාදයන්හි පසුබිම මෙන්ම, එමඟින් ලාංකේය සමාජ දේහයට එල්ල වී ඇති බලපෑම් සහ එහි සැඟවුණු පැතිකඩ පිළිබඳව ගැඹුරු විග්රහයක් මෙම කෘතියට ඇතුළත්ව ඇති බව සංවිධායක මණ්ඩලය සඳහන් කරයි.
අධිකරණයට අපහාස කළ බවට සිර දඩුවම් නියමව සිටියදී හිටපු ජනාධිපති මෛත්රීපාල සිරිසේන ලබාදුන් ජනාධිපති සමාවෙන් නිදහස් වූ නමුත් ඒම සමාව අධිකරණය විසින් අහෝසි කිරීමෙන් පසු ඥානසාර හිමි නැවතත් බන්ධනාගාරගත කිරීමට නියමිතය.
ගලගොඩඅත්තේ ඥානසාර හිමි නැවතත් බන්ධනාගාරගත කිරීමට නියමිත පසුබිමක මෙම ග්රන්ථය එළිදැක්වීමට කටයුතු යොදා ඇත.
