ඊශ්රායලය හා පලස්තීනය අතර පවතින යුද්ධමය තත්ත්වය හේතුවෙන් ඉදිරියේදී ඉන්ධන අර්බුදයක් ඇතිවිය හැකි බවට අනුමාන කර ඉන්ධන පරිභෝජනය සීමා කිරීමට (QR) ක්රමවේදය නැවත ගෙන ඒමට සූදානම් වන වන බවට සමාජ මාධ්ය සදහන් කර තිබුණේය.
මේ සම්බන්ධයෙන් අද (16) දින විදුලිබල හා බලශක්ති අමාත්ය කංචන විජේසේකර සදහන් කළේ, මෙරට තුල ඉන්ධන බෙදා හැරීම සඳහා නැවතත් ඉන්ධන කෝටාව (QR) ක්රමවේදය හෝ වෙනත් ක්රමවේදයක් ක්රියාත්මක කිරීමේ කිසිදු සැලැස්මක් නොමැති බවයි.
ඉන්ධන කෝටාව (QR) ක්රමවේදය නැවත ගෙන ඒමට වත්මන් ආණ්ඩුව, විදුලිබල හා බලශක්ති අමාත්යාංශය සහ ලංකා ඛනිජ තෙල් සංස්ථාව කිසිදු සාකච්ඡාවක් හෝ තීරණයක් මේ දක්වා ගෙන නොමැති බවද අමාත්ය කංචන විජේසේකර සදහන් කරයි.