LIVE
හිටපු නාවික හමුදාපති වසන්ත කරන්නාගොඩ සහ හිටපු ජනපති මහින්ද රාජපක්ෂගේ පුත් යෝෂිත රාජපක්ෂට එරෙහිව අල්ලස් කොමිසම විසින් ගොනු කර තිබෙන නඩුව අද (17) දින කොළඹ මහාධිකරණය හමුවේ කැඳවා ඇත.
මෙම නඩුව කැඳවු අවස්ථාවේදී ඇපමත මුදා හැර සිටින විත්තිකරුවන් වන වසන්ත කරන්නාගොඩ සහ යෝෂිත රාජපක්ෂ අධිකරණය හමුවේ පෙනී සිටියේය.
අනතුරුව ඉදිරිපත් වූ කරුණු සලකා බැලූ කොළඹ මහාධිකරණය මෙම නඩු කටයුත්ත පූර්ව නඩු විභාග සම්මන්ත්රණය සඳහා කැඳවන මෙන් නියම කර ඇත.
සුදුසුකම් සපුරා නොතිබියදී යෝෂිත රාජපක්ෂ බ්රිතාන්යයේ රාජකීය නාවික හමුදා පුහුණු විද්යාලයේ පුහුණුවකට යැවීම තුළින් දූෂණය නැමැති වරද සිදුකළ බවට චෝදනා කරමින් අල්ලස් කොමිසම මෙම විත්තිකරුවන්ට එරෙහිව නඩුව ගොනුකර ඇත.