නාවික හමුදා බුද්ධි අංශය මගින් වත්තල පොලීසියට ලබාදුන් තොරතුරකට අනුව රුපියල් හත් කෝටි විසි ලක්ෂයක් පමණ වටිනා නීති විරෝධී මත්පෙති හත් ලක්ෂ හතළිස් හතර දහස් පන්සීයක තොගයක් පෙරේදා (2) පස්වරුවේ වත්තල මීගමු පාරේදී අත්අඩංගුවට ගැනීමට වත්තල පොලිසිය සමත් ව තිබේ.
බස්නාහිර පළාත භාර නියෝජ්ය පොලිස්පතිවරයාගේ උපදෙස් පරිදි අදාළ සැකකටයුතු ලොරි රථය පරීක්ෂා කිරීමේදී මිලිග්රෑම් 150 මත්පෙති 145,500ක් සහ මිලිග්රෑම් 300 මත්පෙති 599,000ක් සොයාගෙන තිබේ.
රියැදුරු (32) සහ ලොරි සහයක (28) යන සැකකරුවන් දෙදෙනා අත්අඩංගුවට ගෙන ප්රශ්න කිරීමෙන් අනතුරුව ඊයේ (03) වත්තල මහෙස්ත්රාත් අධිකරණයට ඉදිරිපත් කිරීමට නියමිතව තිබුණි.
සිදුවීම සම්බන්ධයෙන් වත්තල පොලිසිය වැඩිදුර පරීක්ෂණ කටයුතු මෙහෙයවනු ලබයි.
