අද (15) රාත්රියේ පැවැත්වීමට නියමිත විස්සයි විස්ස ලෝක කුසලාන ක්රිකට් තරගාවලියේ ඉන්දියාව හා පාකිස්තානය අතර පැවැත්වෙන තරගය නැරඹීම සඳහා නිසි අවසරපතක් නොමැති කිසිදු ක්රීඩාලෝලියෙකු ක්රීඩාංගණය අසලට පැමිණීමෙන් වළකින ලෙස පොලීසිය ක්රීඩාලෝලීන්ගෙන් ඉල්ලයි.
මේ සම්බන්ධයෙන් පස්වරුවේ පැවති විශේෂ මාධ්ය සාකච්ඡාවකදී බස්නාහිර පළාත භාර ජ්යෙෂ්ඨ නියෝජ්ය පොලිස්පති සජීව මැදවත්ත මහතා මෙම කරුණු පැවසීය.
ජ්යෙෂ්ඨ නියෝජ්ය පොලිස්පතිවරයා ක්රීඩාලෝලීන්ගෙන් ඉල්ලා සිටින්නේ නිසි අවසරපතන් නැතිව ක්රීඩාංගණය අසලට පැමිණ අපහසුතාවට පත් නොවන ලෙසය.
මේ සම්බන්ධයෙන් අදහස් දැක්වූ සජීව මැදවත්ත මහතා,
“කරුණාකරලා, නිසි අවසර පත්රයක් නොමැති නම් පැමිණ අපහසුතාවයට පත්වෙන්න එපා. මාර්ග බාධක 4ක් තියෙනවා. සෝදිසි කපොලු 6ක් තියෙනවා.
මේවාගෙන් ඇතුළු වෙන්න දෙන්නේ නෑ. QR කේතය එක්ක මේක ඕනේ. එහෙම එන්න එපා. ඇතැම් ස්ථානවල අපි පුළුල් තිර යොදලා අවශ්ය පහසුකම් යොදලා තියෙනවා” යැයි පැවසීය.
මේ අතර තහනම් භාණ්ඩ ක්රීඩාංගණය වෙත රැගෙන ඒමෙන් වළකින ලෙසද ඉල්ලීමක් කරන පොලීසිය, විශේෂයෙන් ක්රීඩා පිටිය දෙසට විසිකළ හැකි ලී කැබලි, කොඩි, බෝල හෝ බැට්, වතුර හෝ බීම බෝතල්, ගිනිපෙට්ටි හෝ ලයිටර් වැනි දේ මෙන්ම විශාල බැග්පැක් රැගෙන ඒමෙන් වළකින ලෙසද ක්රීඩාලෝලීන්ගෙන් ඉල්ලා සිටියේය.
එමෙන්ම තරගයෙන් අනතුරුව සාමකාමීව ක්රීඩාංගණයෙන් පිටව යන ලෙසත් පොලීසිය ක්රීඩාලෝලීන්ට දැනුම්දී සිටී.
