ජනාධිපති අනුර කුමාර දිසානායක සහ කටාර් රාජ්යයේ එමීර් හෙයික් තමිම් බින් හමාඩ් අල්-තානි අතර විශේෂ දුරකථන සංවාදයක් පවත්වා ඇති බව විදෙස් මාධ්ය වාර්තා කරයි.
වත්මන් අර්බුදකාරී තත්ත්වය පිළිබඳව නායකයන් දෙපළ සාකච්ඡා කර ඇති අතර අනතුරුව කටාර් රාජ්යය මුහුණදී සිටින අභියෝගාත්මක අවස්ථාවේදී ශ්රී ලංකාවේ සහයෝගීතාව ජනාධිපතිවරයා එමීර්වරයා වෙත ප්රකාශ කර ඇත.
තවද කටාර්හි වෙසෙන ශ්රී ලාංකික ශ්රමිකයන්ගේ සහ පදිංචිකරුවන්ගේ සුභසාධනය හා ආරක්ෂාව පිළිබඳව කටාර් එමීර්වරයා ජනාධිපති අනුර කුමාර වෙත සහතික වී ඇත.
සුවිශේෂී තත්වයන් සහ වත්මන් අභියෝග නොතකා, විශ්වාසදායක බලශක්ති හවුල්කරුවෙකු ලෙස කටාර්හි භූමිකාවට ඇති නොසැලෙන කැපවීම සහ බලශක්ති සැපයුම් අඛණ්ඩව සහ ලබාගත හැකි බවට එමීර්වරයා සහතික කළේය.
ඒ අනුව පවතින ගැටුම්කාරී වාතාවරණය හමුවේ වුවද, ශ්රී ලංකාවට ස්ථාවර ලෙස ඉන්ධන සැපයීම අඛණ්ඩව පවත්වාගෙන යාමට කටාර් රාජ්යය කැපවී සිටින බවද එමීර්වරයා සහතික කළේය.