ශ්රී ලංකාවේ වාණිජ බැංකුවක් වන ජාතික සංවර්ධන බැංකුවේ (NDB) සිදුවූ බව කියන “රුපියල් බිලියන 13කට අධික” මූල්ය වංචාව සම්බන්ධයෙන් මේ වන විට සමාජය තුළ දැඩි කතා බහක් නිර්මාණය වී ඇත.
(NDB) බැංකුව මීට පෙර දැනුම් දුන් මුදල් වංචා සිද්ධිය සම්බන්ධව කළමනාකරුවෙකු සහ බැංකු පද්ධතියේ මුර පද ලග තිබූ තවත් කිහිපදෙනෙකු පොලීසිය විසින් අත්අඩංගුවට ගෙන ඇත.
අත්අඩංගුවට ගත් පුද්ගලයින් වැඩිදුර විමර්ශන කටයුතු සිදුකිරීම සදහා අපරාධ පරීක්ෂණ දෙපාර්තමේන්තුව වෙත භාරදී ඇත.
NDB බැංකුව නිකුත් කර ඇති දෙවන ලිපිය අනුව, බලධාරීන් විසින් මෙම සිදුවීමට සම්බන්ධ බවට සැක කෙරෙන සියලුම සේවකයින්ගේ සේවය අත්හිටුවා ඇති අතර ඔවුන්ට බැංකු පද්ධතිය වෙත ප්රවේශ වීමට ඇති හැකියාව අවහිර කර ඇත.
