හෝමාගම, මොරගහහේන ප්රදේශයේ හෝටලයක පුද්ගලික විශ්වවිද්යාලයක සිසුන් පිරිසක් විසින් ඊයේ (09) රාත්රී පවත්වනු ලැබූ සාදයක් අතරතුරදී බහින්බස්වීමක් මත සිදුවූ පහරදීමකින් මනුෂ්ය ඝාතනයක් සිදුව ඇත.
මොරගහහේන ප්රදේශයේ හෝටලයකදී පුද්ගලයෙකු මියගොස් සිටින බවට ලද තොරතුරක් මත සිදුකළ විමර්ශනයකදී ඒ සම්බන්ධයෙන් සැකකරුවන් 5 දෙනෙකු පොලීසිය විසින් අත්අඩංගුවට ගෙන ඇත.
අදාළ පහරදීම සිදුකළ බවට සැකපිට එම විශ්වවිද්යලයේම සිසුන් පිරිසක් මෙලෙස අත්අඩංගුවට ගෙන ඇති අතර මෙලෙස මියගොස් ඇත්තේ වයස අවුරුදු 19ක් වූ නිකදළුපොත වැල්ලව ප්රදේශයේ පදිංචිකරුවෙකි.
